УКРАИНА МУСУЛЬМАН ДИН ИДАРЕЛЕРИ РЕБЕРЛЕРИ ШУРАСЫНЫНЪ НЕВБЕТТЕКИ ТОПЛАШУВЫ - ЦРО ДУМКЦРО ДУМК

Вторник

24

ноября

8
Ребиу'ль-ахир
1442 | 2020
Утр.6:21
Вос.7:43
Обед.12:35
Пол.14:48
Веч.17:17
Ноч.18:39
Времена намазов
Календари 2020г

Намаз

Издания Галерея

УКРАИНА МУСУЛЬМАН ДИН ИДАРЕЛЕРИ РЕБЕРЛЕРИ ШУРАСЫНЫНЪ НЕВБЕТТЕКИ ТОПЛАШУВЫ

Опубликовано:

2009 сенеси майыс 27-де Киев шеэринде Украина мусульман диний идарелери реберлери шурасынынъ невбеттеки топлашувы отькерильди. Топлашувны онынъ реиси, Къырым мусульманлары Диний идаресининъ реиси хаджы Эмирали Аблаев алып барды. Топлашувда Шура азалары олгъан дин идарелеринден башкъа, Шурагъа аза олмакъ истеген Луганск районы мусульман дин джемиетлерининъ идаресинден де векиллер иштирак эттилер.
   Топлашувнынъ башында Шура азаларына Украина Назирлер кабинети янындаки миллетлерара ве дин комитетининъ янъы реиси Ю. Е. Решетников таныштырылды. О, комитетнинъ сабыкъ реиси Г. Саганнынъ ерине назирлер шурасы тарафындан тайинленген эди.
Э. Аблаев Шура топлашувынынъ кунь тертибини илян эткен сонъ, бу йылки хаджылыкънынъ тешкилий тарафы этрафлы суретте музакере олунды. Бу макъсатта шура тасдикълагъан беш адамдан ибарет делегация Саудия Арабистанынынъ хадж назирлигинен мукъавеле тизмек макъсадында, Джиддагъа бармасы акъкъында къарар къабул этильди. Делегациягъа Э. Аблаев реберлик япаджакъ.
Тюркиеден диний тасильнен огърашмагъа кельген оджаларнынъ Украинада къайд этилювлерини къолайлаштырмакъ акъкъында теклифлер бакъылып, бу акътаки тевсиелерни Назирлер кабинетине такъдим этиледжек.
Белли ки, Украинада сонъки йылларда пейда олгъан бир сыра мустакъил дин джемиетлери эалиге диний хызмет ниетинде олмадан, озь менфаатларыны къорчаламагъа арекет этелер, джемаат ве джемиет арасында болюнюв чыкъмасына себепчи олалар. Бойле джемиетлерни джедвельге алувны тертипке къоймакъ меселесинде Украинада видждан сербестлиги къанунынынъ янъы метнине къошмалар киритильмеси теклиф олунды.
Шура топлашувындан сонъ, онынъ иштиракчилери Украина Назирлер кабинети огюнде Къырымда тамыр халкъкъа эв-мескен къурмакъ ичюн топракъ айырылмагъанына къаршы пикетте ачлыкъ туткъан бир группа ватандашларымызны зиярет этти ве субетлештилер.