Суннет мерасимлери кечирильди - ЦРО ДУМКЦРО ДУМК

Среда

23

июня

13
Зуль-къаде
1442 | 2021
Утр.2:49
Вос.4:47
Обед.12:50
Пол.16:55
Веч.20:43
Ноч.22:41
Времена намазов
Календарь 2021г

Намаз

Суннет мерасимлери кечирильди

Опубликовано:

Майыс 20-26 куньлери Къырым мусульманлары диний идареси ярымадамызнынъ бир чокъ шеэр ве къасабаларында сунет мерасимлерини тешкилятландырды.
Мерасимлернинъ низамлы бир шекильде тертипленмеси ичюн бутюн шеэр ве район меркезлеринде имамлар балаларыны сунет яптырмагъа истегенлерни кунь эвельден джедвельге алдылар, ондан сонъ, сунет мерасимлери кечириледжек ерлер бильгиленильди. Бойледже, суннетлер Акъмесджитте, Къарасувбазарда, Багъчасарайда, Къурман-Кемельчиде, АкъШейхте, Акъмечитте, Сакъта, Сеитлерде, Эски Къырымда, Еди Къуюда, Ор Къапуда кечирильди ве энъ земаневий усуллар боюнджа Тюркиеден кельген мутехассыслар тарафындан япылды. Башкъа регионлардан балаларыны сунет яптырмагъа истегенлер юкъарыда адлары анъылгъан ве оларгъа энъ якъын шеэр, къасабагъа кельдилер. Энъ чокъ сунет Акъмесджитте яптырылды – 180-ге якъын, умумен исе, 900-гъа якъын бала сунет олунды.
Бойле мерасимлер эр йыл кечириле ве бунъа коре, бир чокъ мусульман къорантасы озь балаларына динимиз ве гигиена нокъта-и назарындан эмиети буюк олгъан суннетни яптырмакъ имкянына саип олалар.