Yaş imamımız, Tair İbragimovnen vedalaştıq - ЦРО ДУМКЦРО ДУМК

Суббота

08

августа

18
Зуль-хидждже
1441 | 2020
Утр.3:54
Вос.5:27
Обед.12:54
Пол.16:47
Веч.20:10
Ноч.21:43
Времена намазов
Календари 2020г

Намаз

Yaş imamımız, Tair İbragimovnen vedalaştıq

Опубликовано:

2020 sene, iyul 12 künü dostumız, qardaşımız, imamımız, din ocası, Qırım Cumhuriyeti ve Sevastopol şeeri musulmanları diniy idaresiniñ hadimi Tair İbragimov bu dünyanı bir qaza neticesinde terk etti.

Tair İbragimov Qalay islâmiy ilimler medresesini ve Tavrida milliy universitetiniñ qırımtatar tili şübesini bitirgen soñ, bir qaç yıl devamında İslâm dininiñ temelleri boyunca ocalıq yaptı, Aqmescit rayonınıñ Sofiyevka ve Sarabuz köyleriniñ camilerinde imam oldı, milliy “Millet” telekanalında diniy yayınlar alıp bardı, İstanbulda olıp keçken yaş yazıcılar musabaqasınıñ laureatı oldı. 2019 senesi Tair İbragimov, Qırımdan hacılıqqa barğan musulmanlar gruppasınıñ rehberi olaraq, hac ibadetini eda etti.

Tair güzel ve aydın bir genç edi. O, samimiy, areketçen ve müsbet tüşüngen bir insan edi. Yaqında 29 yaşını toldurğan edi.

Ayatımızdan yaqın bir kimsemiz ketkende, artında aydın hatırası, yapqan eyilikleri, tırışqanları, er daim yardımğa kelmege azır oluvı, bunıñ içün oña duyulğan minnetdarlıq qala.

Er daim esimizde, göñülimizde qalacaqsıñ, Tair oca!

إِنَّا لِلّهِ وَإِنَّـا إِلَيْهِ رَاجِعونَ

İç şübesiz, biz epimiz Allah içünmiz, ve epimiz Oña qaytacaqmız!

Yüce Rabbimiz rahmet etsin, günahlarını mağfiret eylesin ve cennetlik olmasını nasip eylesin.

Qırım Müftiligi Tairniñ soy-sopuna ve yaqınlarına teren taziyesini bildire, baş sağlığı ve sabır tiley.

QMDİ matbuat hızmeti