Yaqında Cuma caminiñ baş qubbesi tiklenilecek (FOTO) - ЦРО ДУМКЦРО ДУМК

Вс

26

сентября

19
Сефер 
1443 | 2021
Утр.5:09
Вос.6:25
Обед.12:39
Пол.15:54
Веч.18:43
Ноч.19:59
Времена намазов
Календарь 2021г

Намаз

Yaqında Cuma caminiñ baş qubbesi tiklenilecek (FOTO)

Опубликовано:

Qırım Müftisiniñ muavini Ayder İsmailov ve Rusiye Devlet Dumasınıñ deputatı Ruslan Balbek Aqmescitte Cuma cami qurucılığınıñ ketişatını muzakere ettiler.  Muşavereler devamında olar qurucılıqta peyda olğan meseleler ve olarnıñ çeziliş yollarını ögrendiler.

Şimdi camideki baş qubbege ait olğan tış, memuriy binada ise iç işler yapılmaqta. Fevralniñ soñuna qadar memuriy binanıñ damı örtülecek,  martnıñ ortasında ise bütün beton işleri, hususan, minare ve balaban qubbedeki işler yekünlenecek. Al-azırda qurucılar caminiñ baş qubbesini tiklemek içün azırlıq köre. Toplaşuvda qayd etilgeni kibi, tış süslendirilüvniñ seçilmesi ve onıñ Qırımğa ketirilmesi, minare ve qubbeler qurucılığınıñ incelikleri  sayesinde inşaat evel belgilengen cedvelden artta qala, amma işçilerniñ sayısı arttırılacağı sebebinden qurucılıq müddeti yerine kelecektir.

2018 senesiniñ ortasına qadar elektroağlar  dekabr ayına qadar ise suv ve gaz ağları keçirilecek. Bundan da ğayrı, yılnıñ soñuna qadar bütün tış ve iç işleriniñ yekünlenilmesi planlaştırıla. Aprel 21 künü 2019 senesi Cuma Caminiñ tantanalı açılış tedbiri keçirilecektir.

Qırım Müftisiniñ muavini Ayder İsmailovnıñ qayd etkenine köre, bugün serbest çalışmaq içün imkânlar bar, peyda olğan meseleler ise operativ şekilde çezilmekte.

“Er kes yapqan işiniñ müimligini añlay. Bu ise eñ müimi. Biz birlikte, em de er birimiz ayrı olaraq Vetanımıznıñ inkişafı içün mesülietlimiz. Biz, Qırım müsulmanları Diniy İdaresi olaraq bunıñ örnegini kösteremiz. Özümiz ğayret etmesek, çalışmasaq, bir kimse bizge azır bir şey bermez, suallerni birlikte çezmek kerekmiz.  Bu topraqlarnıñ tamır halqı olaraq, biz, yarımadada yaşağan bütün milletlerni memnün qaldıracaq leyhalarnı ömürge keçirmelimiz. Bunıñ içün semereli çalışmalımız”, – dep ayttı Ayder İsmailov. O, hatırlattı ki, qırımtatarlar 15 yıl devamında bu qurucılıqnı bekledi, ve, o, yekünlenmek üzerindedir.

“Biz milletimizniñ destegini duyamız, Allah bizge qurucılıqnı bitirmek ve ileride halqımıznıñ, Vetanımıznıñ güllemesi içün çalışmağa küç ve imkân bersin”, – dep qayd etti Ayder İsmailov.

QMDİ MDT hızmeti