"Yañı baar" balalarınıñ qardaşlıq seyaatı (FOTO) - ЦРО ДУМКЦРО ДУМК

Среда

27

октября

21
Ребиу'ль-эвель
1443 | 2021
Утр.5:48
Вос.7:05
Обед.12:32
Пол.15:13
Веч.17:48
Ноч.19:06
Времена намазов
Календарь 2021г

Намаз

“Yañı baar” balalarınıñ qardaşlıq seyaatı (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresiniñ “Faydalı ilim” oqutuv-maarif merkezinde mektepten aldın “Yañı baar” leyhası çerçivesinde “Qardaşlıq bayramı” serlevhalı bala bayramı olıp keçti.

Tedbir teşkilâtçıları – “Yañı baar” leyhasınıñ ocaları “Naqliye” (“Transport”) mevzusında meraqlı programmanı teşkil ettiler.

Stürdessa qızlarınıñ oyunı ve “Men gemici olacam” degen gemicilerniñ yırı ile balalar dostlarnı qıdırıp tapmaq içün yolğa çıqtılar. “Yol boyu” olar “Yañı baar” leyhasında iştirak etken farqlı halqlarğa ait balalarnıñ medeniyeti, urf-adetleri ve yemeklerinen tanış oldılar.

Balalar qırımtatar, türk, rus, ukrain, çeçen ve arap tillerinde şiirler icra ettiler.

Bundan soñ, er bir iştirakçi milliy marşı ve tuvğan bayrağı ile milliy urbalarını numayış etti. Seyaatnıñ soñunda er kes çoqmilletli Qırımğa qaytıp keldi, mında da olarnı qırımtatar milliy oyunlarınen dostları qarşıladı. Tedbirniñ soñunda musafirlerge ananeviy “Qardaşlık sofrası” donatıldı, mında farqlı halqlarnıñ yemeklerinen sıyladılar.

Bayram “Biz farqlımız, çeşit tillerde laf etemiz, amma bizni sevgi ve iman birleştire!” şiarı astında olıp keçti.

Tedbirde 30 ziyade bala iştirak etti.

Qırım MDİ matbuat hızmeti