Yaltada Cuma cami qurulacaq (FOTO) - ЦРО ДУМКЦРО ДУМК

Суббота

26

сентября

8
Сефер 
1442 | 2020
Утр.5:09
Вос.6:25
Обед.12:39
Пол.15:54
Веч.18:43
Ноч.19:59
Времена намазов
Календари 2020г

Намаз

Yaltada Cuma cami qurulacaq (FOTO)

Опубликовано:

Yalta şeer memuriyetinde Yalta belediyesiniñ saasında Cuma caminiñ qurulması içün lâzim arsanıñ ayırılması boyunca açıq diñlevler olıp keçti.

Bundan evel Qırım Cumhuriyeti ve Sevastopol şeeri musulmanları diniy idaresi Yalta şeer memuriyetine Cuma cami qurulışı içün bir arsa ayırılmasınıñ imkânını baqıp çıqması ricasınen muracaat etti.

2020 senesi, fevralniñ 27-de arsanıñ “Diniy qullanuv” şartlı ruhsetli qullanuv şekili boyunca ruhsetniñ berilmesi meselesinde açıq diñlevler olıp keçti. Şimdi kerekli aqberici vesiqalarnıñ azırlanması ceryanı başlandı.

İleride, bu arsada Cuma caminiñ leyhalaştırılması ve qurulması planlaştırıla.

Yaltadaki Cuma cami – Qırımnıñ yalı boyunda esas diniy binalardan biri olacaq ve tek musulmanlarnı birleştirgen bir yer degil de, Büyük Yaltanıñ diqqatqa lâyıq yeri, turistik obyekt ve Qırımda çoqasırlıq İslâm medeniyetiniñ nümünesi olacaq.

QMDİ matbuat hızmeti