Vladimir Putin Qırımdaki Büyük Cuma caminiñ açılışına kelmege vade etti! (FOTO) - ЦРО ДУМКЦРО ДУМК

Пн

26

июля

16
Зуль-хидждже
1442 | 2021
Утр.3:31
Вос.5:12
Обед.12:54
Пол.16:53
Веч.20:27
Ноч.22:08
Времена намазов
Календарь 2021г

Намаз

Vladimir Putin Qırımdaki Büyük Cuma caminiñ açılışına kelmege vade etti! (FOTO)

Опубликовано:

Rusiye Federatsiyasınıñ Prezidenti Vladimir Putin Aqmescitte qurulayatqan Büyük Cuma caminiñ tantanalı açıluv tedbirinde iştirak etmege vade etti. Bunı o, Qırımnıñ Rusiye Federatsiyasına qoşuluvınıñ 7-yıllığı munasebeti ile keçirilgen Qırımnıñ inkişafı boyunca videokonferentsiyada bildirdi. Qırım Cumhuriyeti ve Sevastopol şeeri musulmanları diniy idaresi adından videokonferentsiyada Qırım Müftisiniñ muavini Ayder İsmailov iştirak etti.

Canlı yayında Ayder İsmailov Prezidentni Büyük Cuma cami qurucılığınıñ ketişatınen tanış etti ve qayd etti ki, Qırım musulmanları yarımadadaki baş caminiñ açıluvını sabırsızlıqnen bekley.

“Şu sebepten, Sizge muracaat etip, metsenatlar ve qurucılıq şirketleri planlaştırılğan işlerni tezce yekünlemelerini nezaretiñizge almañıznı isteymiz ki, Siznen beraber şu mabedniñ qapılarını idbadet içün açayıq”, – dedi Ayder İsmailov.

Vladimir Pütin ise, öz nevbetinde, davetke cevap bererek, pandemiyanen bağlı qurulış müddetiniñ keçikmesine baqmadan, tehnikiy meselelerniñ çezile bilecegini ve obyektniñ vaqıtında azır olacağını bildirdi.

“Davetiñiz içün çoq sağ oluñız, men oña icabet etmege tırışırım, baqarmız, iş cedvelim nasıl olacaq. Asılında, bu müim bir vaqia! Camilerni er kün qurmaymız, men kelmege tırışacam. Men sıq-sıq böyle ibadet müessiseleriniñ er çeşitini ziyaret etem, – em ortodoks hristian, em musulman, em yeudiy, em bütün digerlerini, ve zevq ile meraqnen Siznen beraber umumiy işimizniñ neticesine baqarım”, – yekünledi Vladimir Pütin.

Qırım MDİ matbuat hızmeti