Üç aylar başlandı! - ЦРО ДУМКЦРО ДУМК

Вторник

02

июня

10
Шевваль
1441 | 2020
Утр.2:57
Вос.4:49
Обед.12:46
Пол.16:49
Веч.20:33
Ноч.22:26
Времена намазов
Календари 2020г

Намаз

Üç aylar başlandı!

Опубликовано:

2020 senesi, fevral 24 künü (Hicriy taqvim boyunca 1441 senesi), aqşam namazından soñ, musulmanlar içün mubarek Üç aylar başlandı. Üç aylarğa kirgen ilk eki ay – Recep ve Şaban ayları, Ramazan ayına azırlıq maiyetindedir.

Bu aylar devamında musulmanlar daa çoq eyi işlerni yapmağa, savaplar qazanmağa, Quran oqumağa, oraza tutmağa, sadaqa bermege, tövbe etmege, namaz qılmağa, canını günahlardan, aqılını ise, yaramay fikirlerden temizlemege tırışalar. Bu ayda musulmanlarğa davalaşmaq, munaqaşa etmek yasaqtır.

Bu vaqıtta bütün eyi işlerniñ savabı qat-qat ziyade berile, mümin Allahnıñ razılığını qazana.

Hadislerge esasen, Azret-i Peyğamber (s.a.s.) Recep ve, hususan, Şaban aylarında çoq oraza tutıp, özüni Ramazan ayına azırlay edi. Ramazan ayında ise, oraza tutmaq farzdır. Musulmanlar tañ atqanından başlap, küneş qavuşmasına qadar aşamaqtan, içmekten ve cinsiy munasebetlerden vazgeçeler.

Orazanıñ 29 ya da 30 künü Oraza bayramınen yekünlene. Bu vaqıtta musulmanlar büyüklerni ziyaret ete, fitir sadaqasını bereler. Bu üç ay içinde Reğaip, Mirac, Beraat, Qadir geceleri bulunmaqta. Rivayetlerge köre, bu künleri oqulğan dualar qabul etile, günahlar ise, afu etile.

QMDİ matbuat hızmeti