Tahqiqat izolâtorında dinlerara taqımnıñ iş körüşüvi olıp keçti (FOTO) - ЦРО ДУМКЦРО ДУМК

Четверг

06

мая

25
Рамазан
1442 | 2021
Утр.3:40
Вос.5:15
Обед.12:45
Пол.16:39
Веч.20:04
Ноч.21:39
Времена намазов
Календарь 2021г

Намаз

Tahqiqat izolâtorında dinlerara taqımnıñ iş körüşüvi olıp keçti (FOTO)

Опубликовано:

Aqmescitteki № 1 tahqiqat izolâtorında farqlı dinlerni temsil etken erbaplardan ibaret dinlerara taqımnıñ iş körüşüvi olıp keçti. Ortodoks hristianlıq, İslâm ve yehudiylikniñ vekilleri vaqıtınca SİZO-1 başlığı vazifesini icra etken Pötr Sinükov ile körüştiler.

İş körüşüvinde Qırım Müftisiniñ RF QC ve Sevastopol şeeri boyunca ÜFSİN ile işbirlik saasında yardımcısı, Aqmescit şeeriniñ imamı Muhammed İslamov, ÜFSİN başlığınıñ inanğanlar ile işniñ teşkil etilüvi boyunca yardımcısı protoiyerey Roman Tsurkan ve “Aqmescit şeeriniñ yehudiyler diniy teşkilâtı” yerli ortodoks yehudiylik din cemiyetiniñ rehberi Arkadiy Tsırulnikov iştirak ettiler.  Körüşüv devamında taraflar tahqiqat izolâtorında bulunğan insanlarnen bağlı diniy suallerni muzakere ettiler.

Muhammed İslamovnıñ sözlerine köre, hususan, Ramazan ayınıñ yekünlenmesinen keçirilecek bayram tedbirlerine baqıldı.

“İş körüşüvinde biz bütün müessiselerde, hususan, SİZO-da işbu tedbirler nasıl keçirilecegini muzakere ettik”, – dedi Muhammed İslamov.

Bundan da ğayrı, tedbirde kitaphane fondunıñ diniy edebiyat ile toldurıluvı mevzusına baqıldı, şu cümleden Qırım MDİ tarafından teşkerilgen ve müüri qoyulğan islâmiy kitaplarnıñ teminlevi muzakere etildi.

Taraflar ileride de işbirlikni devam etmege istegenlerini bildirdiler. Muhammed İslamov ise, öz nevbetinde, musulman hadimlerni ve Qırım Müftiligi adından tahqiqattan keçkenlerni ve mahkümlerni Ramazan ayınıñ başlanuvınen hayırladı.

Qırım MDİ matbuat hızmeti