Saudiye Arabistanı akimiyeti çetel hacıları içün hacılıqnı lâğu etti - ЦРО ДУМКЦРО ДУМК

Суббота

08

августа

18
Зуль-хидждже
1441 | 2020
Утр.3:54
Вос.5:27
Обед.12:54
Пол.16:47
Веч.20:10
Ноч.21:43
Времена намазов
Календари 2020г

Намаз

Saudiye Arabistanı akimiyeti çetel hacıları içün hacılıqnı lâğu etti

Опубликовано:

Saudiye Arabistanı akimiyeti çetel hacıları içün hacılıqnı lâğu etti. Böyle qararnıñ sebebi – devlette COVID-19 koronavirus infektsiyasınıñ darqaluvınen bağlı ağır epidemiologik vaziyet. Bu sene ancaq qırallıqta endi bulunğan az bir miqdar musulmanğa hacılıq ibadetini yerine ketirmege ruhset berilecek.

Bu aqta Rusiye Federatsiyası Hac missiyasınıñ resmiy saytında haber etile. Mezkür haber Saudiye Arabistanı Qırallığınıñ Ümre ve Hacılıq işleri nazirliginiñ beyanatına esaslana.

Qırım Cumhuriyeti ve Sevastopol şeeri musulmanları diniy idaresi haber ete ki, vesiqalarnı resmiyleştirgen ve AVN-Tur şirketinde hacılıq turunı ödegen musulmanlar işbu hac operatorına muracaat etip, añlaşmanı ğayrıdan imzalaraq, hacılıq turlarını 2021 senesine keçire bileler.

Hacılıq ibadetni yerine ketirmege niyetlengen, amma ortada olğan vazgeçilmez mania sebebinden Rabbimiz ögünde borcunı yerine ketirip olamağan musulmanlarnıñ hacılıqlarını başqa vaqıtqa keçirmesi günah sayılmaz, aksine, Allah er kesni niyetiniñ samimiyetine köre mukâfatlandırır.

Hatırlatamız, musulmanlar içün muqaddes olğan Mekke şeeri alâ daa serbest areket etüv içün qapalıdır, çünki ülkede koronavirus infektsiyasına oğrağan insanlar pek çoq.

Saudiye Arabistanı arap devletleri arasında koronavirus hastalarınıñ miqdarı boyunca birinci yerni ala. Bu memlekette pandemiyanıñ başından hastalıqtan 1307 insan keçindi.

QMDİ matbuat hızmeti