Saq rayonında yañı "Oraz" din cemiyeti qayd etildi (FOTO) - ЦРО ДУМКЦРО ДУМК

Вс

28

февраля

17
Реджеб
1442 | 2021
Утр.5:56
Вос.7:12
Обед.13:01
Пол.15:58
Веч.18:39
Ноч.19:55
Времена намазов
Календарь 2021г

Намаз

Saq rayonında yañı “Oraz” din cemiyeti qayd etildi (FOTO)

Опубликовано:

Qırım Müftisi Saq rayonınıñ Oraz (Koloski) köyü faalcilerinen körüşti. Körüşüvde Kezlev bölgesiniñ imamı Eskender Memetov, İsmail bey qasabası din cemiyetiniñ mollası Eldar Memetov ve Kezlev şeer şurasınıñ deputatı, “Han cami” din cemiyetiniñ azası Eldar İbragimov iştirak ettiler. Muşavere devamında toplanğanlar köy din cemiyetiniñ teşkil ve qayd etilüvi, onıñ faaliyetini muzakere ettiler. Bundan da ğayrı, yerli musulmanlar içün aktual olğan meseleler baqıldı, şu cümleden dinlerara barışıqlıqnıñ saqlanuvı muzakere etildi.

Qırım Müftisi yaqın zamanda diniy teşkilâtnıñ resmiyleştirilüvi yekünlenecegine ve Oraz köyü cemaatı ve, umumen, Kezlev bölgesi musulmanlarınıñ eyiligi içün çalışacağına ümüt etkenini bildirdi. Buña ilâve olaraq, Müfti teşkilât azalarına halqımıznıñ inkişafı oğrunda yapqan işlerinde muvafaqiyetler, sabır, ecdatlarımızdan kelgen urf-adetlerimizni kütip, Yüce Rabbimiz ve milletimiz ögünde mesülietli olğanımıznı unutmayıp, çalışmalarını tiledi.

Qırım MDİ matbuat hızmeti