"Salğır – Baba" dua mekânı olacaq (FOTO) - ЦРО ДУМКЦРО ДУМК

Вс

24

октября

18
Ребиу'ль-эвель
1443 | 2021
Утр.5:44
Вос.7:01
Обед.12:32
Пол.15:16
Веч.17:53
Ноч.19:10
Времена намазов
Календарь 2021г

Намаз

“Salğır – Baba” dua mekânı olacaq (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde “Salğır baba” azizi toprağınıñ abadanlaştırıluvı boyunca iş muşaveresi olıp keçti. Muşaverede Qırım Muftisiniñ muavini Ayder İsmailov, QMDİ qurucılıq ve topraq bölüginiñ rehberi Ervin Kerimov, tarihiy ilimler namzeti Eldar Seydametov, Qırımtatar medeniy-miras müzeyiniñ müdiresi Safiye Eminova, tarihiy ilimler namzeti, arheolog Emil Seydaliyev, mimar ve restavratorlar Asan Kadırov ve Refat Ahmedov, ressam Zubeir Qadri-Zade iştirak ettiler.

Körüşüv esnasında toplanğanlar Salğır baba aziziniñ mezarı ve etrafınıñ abadanlaştırıluvı ve topraqta mimariy ansamblniñ qurulmasını muzakere ettiler, azizniñ toprağında yapılacaq işler boyunca tekliflerni közden keçirdiler.

Safiye Eminovanıñ fikirine köre, mezar saasını qırımtatar milliy üslübinde abadanlaştırmaq kerek.

“Bu eski musulman mezarlığınıñ bir parçasıdır, Salğır baba azizinde bu müim tarihiy şahıs defin etilgenini bildirgen malümat levhasını yerleştirmege teklif etem”, – dedi Safiye Eminova.

Bundan da ğayrı, tarihiy mekânnıñ ziyaretçileri içün işbu yerde ziyaret adabını hatırlatqan yazını yerleştirmek teklif etildi. Maqsat – aziz yerde bezlerniñ baylanması, aqçalarnıñ taşlanması kibi İslâmğa ters kelgen areketlerniñ yapılmamasıdır.

“Abide İslâm qaidelerine uyğun olmalı, bu yerde insanlar aziz aqqında doğru malümatnı ögrenmeli ve ziyaret adabından haberdar olmalıdır”, – qayd etti Ayder İsmailov.

Muşavere neticesinde Qırımtatar medeniy-miras müzeyiniñ hadimlerine tarihiy malümatnı, mimarlar ve ressamlarğa ise, tarihçılar bergen malümatlarğa esaslanıp, topraqnıñ abadanlaştıruv leyhasını azırlamaq avale etildi.

Yaqın zamanda azizde talaqanıñ keçirilmesi planlaştırıla.

Hatırlatamız, Aqmescitteki Salğır baba azizi 2020 senesiniñ noyabr ayında Qırım Cumhuriyeti ve Sevastopol şeeri musulmanları diniy idaresiniñ mülkiyetine keçirildi.

Qırım MDİ matbuat hızmeti