Rusiye musulman iş adamlarınıñ birleşmesi Qırımnen meraqlandı (FOTO) - ЦРО ДУМКЦРО ДУМК

Среда

25

ноября

9
Ребиу'ль-ахир
1442 | 2020
Утр.6:22
Вос.7:44
Обед.12:35
Пол.14:47
Веч.17:16
Ноч.18:39
Времена намазов
Календари 2020г

Намаз

Rusiye musulman iş adamlarınıñ birleşmesi Qırımnen meraqlandı (FOTO)

Опубликовано:

Qırımğa iş ziyareti ile Rusiye Federatsiyası musulman iş adamları birleşmesiniñ temsilcileri keldi. Eyyetniñ başında RF MİB icraiy müdiri Marsel Sabirov buluna edi.

Müftilikte Birleşmeniñ temsilcileri ile körüşüvni Qırım Müftisiniñ muavini Ayder İsmailov keçirdi. Bundan da ğayrı, körüşüvde QMDİ tış alâqalar ve hacılıqnı teşkil etilüv bölüginiñ rehberi Artur Reşitov, QMDİ qurucılıq ve topraq meseleleri bölüginiñ rehberi Ervin Kerimov iştirak ettiler.

Körüşüv devamında RF musulman iş adamları birleşmesiniñ temsilcileri teşkilâtnıñ qurulışı, maqsatları ve faaliyeti aqqında tarif etti, bundan da ğayrı, Qırımda biznes leyhalarınıñ ayatqa keçirilmesi ve inkişafı meselesinde işbirlik yapılmasına öz baqışlarını ifade ettiler.

Qırım Müftisiniñ muavini Ayder İsmailov qayd etkenine köre, körüşüvde RF MİB ve Qırım MDİ-niñ tek Qırım musulmanlarına degil, bütün Qırım sakinlerine fayda ketire bilecek esaslar belgilendi.

“Bu körüşüv Qırımda iş adamlarınıñ madiy ve maneviy inkişafı içün şaraitniñ teminlenüvi yolunda birinci adım olacaqtır”, – dedi Ayder İsmailov.

İHTAR: Rusiye musulmanlar iş adamlarınıñ birleşmesine Rusiyeniñ 46 regionından 4 672 iş adamı ve ortaq kirmekte. MİB teşkilâtına Rusiyeniñ orta ve kiçik biznesiniñ temsilcileri kire. Olar Rusiye iqtisadiyatınıñ esas saalarında faaliyet köstere: turizm, qurucılıq, neft ve gaznıñ çıqarılıp işlenmesi, ağaç işlevi, IT saası, riteyl, sanayı, köy hocalığı ve ilâhre.

Birleşmeniñ bölge temsilcilikleri: Tatarstan Cumhuriyeti, Adıgeya Cumhuriyeti, Başqortostan Cumhuriyeti, Dağıstan Cumhuriyeti, İnguşetiya Cumhuriyeti, Qırım Cumhuriyeti, Moskva şeeri, Örenburg vilâyeti, Perm ülkesi, Sevastopol şeeri, Kirov vilâyeti, Astrahan vilâyeti, Yamal-nenets Muhtar Bölgesi.

Halqara temsilcilikler Belçika, Qırğızstan, Küveyt, Lüksemburg, Niderlandlar, Qatar, Bahreyn, Litvaniya, Türkiye, Senegal, Cenübiy Afrika Cumjhuriyeti, Qazahstan ve İranda çalışa.

QMDİ matbuat hızmeti