RF Prezidenti yanındaki İçki işler idaresinden "Pandemiya zamanında Rusiye musulmanları diniy idareleri: içtimaiy hızmetniñ yañı usulları" halqara ilmiy-ameliy konferentsiyası iştirakçileriniñ selâmlavı - ЦРО ДУМКЦРО ДУМК

Четверг

29

июля

19
Зуль-хидждже
1442 | 2021
Утр.3:36
Вос.5:15
Обед.12:54
Пол.16:52
Веч.20:23
Ноч.22:03
Времена намазов
Календарь 2021г

Намаз

RF Prezidenti yanındaki İçki işler idaresinden “Pandemiya zamanında Rusiye musulmanları diniy idareleri: içtimaiy hızmetniñ yañı usulları” halqara ilmiy-ameliy konferentsiyası iştirakçileriniñ selâmlavı

Опубликовано:

Rusiye Federatsiyası Prezidenti yanındaki İçki işler idaresi başlığınıñ muavini Mihail Belousov aprel 8 künü Sevastopolde keçirilgen “Pandemiya zamanında Rusiye musulmanları diniy idareleri: içtimaiy hızmetniñ yañı usulları” halqara ilmiy-ameliy konferentsiyasınıñ iştirakçilerine selâmlav mektübini yolladı.

Hususan, mektüpte böyle satırlar keçe: “Qırım Cumhuriyeti ve Sevastopol şeeri musulmanları diniy idaresi yañı müşküllerniñ çıqmasına yüksek seviyede azır olğanını numayış etti: maarif ve tahsil işleri toqtatılmadı, hayriye aktsiyaları keçirildi, musulmanlarğa destek köstergen “acele yardım bağı” çalıştı. Bugün diniy idarelerniñ, maarif ve tahsil teşkilâtlarınıñ intellektual teşkiliy resurslarını kerçek ayatta ve virtual müitte diniy ve etnik ekstremizmnen küreşmek içün birleştirmek pek müimdir.

Mihail Belousov konferentsiya iştirakçilerine qaviy sağlıq ve diniy hızmet ile Rusiye topraqlarında dinlerara barışıqlıqnıñ saqlanuvında muvafaqiyetler tiledi.

Qırım MDİ matbuat hızmeti