Qurban bayram – balalar içün bayram! (FOTO) - ЦРО ДУМКЦРО ДУМК

Вторник

22

сентября

4
Сефер 
1442 | 2020
Утр.5:04
Вос.6:21
Обед.12:41
Пол.15:59
Веч.18:50
Ноч.20:07
Времена намазов
Календари 2020г

Намаз

Qurban bayram – balalar içün bayram! (FOTO)

Опубликовано:

Aqmescitniñ Beloye-5 qasabasında Qurban bayramına bağışlanğan balalar bayramı olıp keçti. Tedbir teşkilâtçıları – “Ramadan” yerli din cemiyeti ve Beloye-5 qasabasınıñ cemaatçılığı, bayram Qırım Müftiliginiñ destegi ile ötkerildi.

Kontsert programmasında “İlim çoqrağı” mektebine qatnağan balalar iştirak etti. Olar şiirler oqudı, milliy oyun ve yırlarnı icra ettiler.

Bayramnı “Nesil” oyun ansambliniñ çıqışları yaraştırdı, bundan da ğayrı, toplanğanlarnı halq yırcısı Leyla Gemeci yırlarınen quvandırdı, Bekir Adilov ilâhilerni icra etti. Balalarnı “Pole çudes” studiyasınıñ animatorları eglendirdi. Bayramnıñ küçük iştirakçileri içün tatlı sofralar donatıldı, musafirlerni plovnen siyladılar.

Bayram tedbiri erkânında qasabanıñ faaliyetçileri ve “İlim çoqrağı” mektebiniñ ocalarına Qırım ve Sevastopol şeeri musulmanları diniy idaresi adından faqriy yarlıqlar berildi ve minnetdarlıq bildirildi.

QMDİ matbuat hızmeti