Qırımnıñ şimaliy-şarqındaki Yañı Qarabay köyünde cami qurulacaq (FOTO) - ЦРО ДУМКЦРО ДУМК

Суббота

08

августа

18
Зуль-хидждже
1441 | 2020
Утр.3:54
Вос.5:27
Обед.12:54
Пол.16:47
Веч.20:10
Ноч.21:43
Времена намазов
Календари 2020г

Намаз

Qırımnıñ şimaliy-şarqındaki Yañı Qarabay köyünde cami qurulacaq (FOTO)

Опубликовано:

Qırımnıñ İslâm Terek rayonınıñ Yañı Qarabay köyünde caminiñ qurucılığı başlandı. 30 sotkalıq topraqta qurucılar caminiñ temeli içün qazma işlerini yaptılar. Buña bağışlanğan tantanalı merasimde yerli sakinler ve musafirler toplandılar.

Tedbirde Qırım Müftisiniñ muavini Esadullah Bairov ve Rusiye Devlet Dumasınıñ millet vekili Ruslan Balbek iştirak ettiler.

Qazuv işleri başladan evel qurban çalındı ve dua oquldı.

Qırım Müftisi adından hayırlavında Esadullah Bairov qayd etti ki, iş tek samimiy destek olğanda, küçler, ğareytler ve maqsadlar bir olğanda qaynap kete.

“Er birimiz tarihta öz izimizni qaldırmalımız. Bu, olsa, cami, köpür, mektep ya da diger, insanlarğa fayda ketirecek bir obyekt olsun. Büyük iş eyi sözden, temelge qoyulğan ilk taştan, ilk duyulğan birdemlikten başlana. Ancaq şu zaman maqsatqa yetmek mümkün. Eminim, yaqın vaqıtta biz köyüñizde yañı camini açacaqmız, ve, ümüt etem ki, yaqında Qırımnıñ er bir köyünde, er meskün yerinde cami olacaq”, – dedi Esadullah Bairov.

Toplanğanlarnı RD Dumasınıñ millet vekili Ruslan Balbek da hayırladı.

“Cuma künü eyi işlerge başlap, biz Allahnıñ razılığını qazanamız. Yapqanlarımıznı birlikte, cemaatnen beraber beceremiz, çünki cemaatnıñ birligi olmasa, akimiyet müessiselerinen işbirlik yapılmasa, elimizdeki neticelerge saip olamaz edik”, – dedi Ruslan Balbek.

Qurulacaq caminiñ arsası 30 sotkanı teşkil ete. Qurulış bitken soñ, şu yerde, cami binasından ğayrı, abdesthane, hocalıq binası ve bağça yerleşecek.

QMDİ matbuat hızmeti