Qırımdaki dinlerara barışıqlıqnıñ temeli – bir-birine kösterilgen ürmettir (FOTO) - ЦРО ДУМКЦРО ДУМК

Пн

26

октября

9
Ребиу'ль-эвель
1442 | 2020
Утр.5:47
Вос.7:04
Обед.12:32
Пол.15:14
Веч.17:50
Ноч.19:07
Времена намазов
Календари 2020г

Намаз

Qırımdaki dinlerara barışıqlıqnıñ temeli – bir-birine kösterilgen ürmettir (FOTO)

Опубликовано:

Qırım Müftisiniñ muavini Esadullah Bairov Aqyar şeerindeki “AK-YAR” Aqyar bölgesi qırımtatarlar birleşmesiniñ teşebbüsi ile teşkil etilgen “Tarih, zamanımız, kelecek – milliy inkişafnıñ temelleri” forumında iştirak etti.

Forumnıñ işinde Aqyar şeeriniñ gübernatorı vazifesini vaqıtınca icra etken Mihail Razvojayev, senator Yekaterina Altabayeva, “AK-YAR” Aqyar bölgesi qırımtatarlar birleşmesiniñ başlığı Enver Mamutdinov ve cemaat faaliyetçileri iştirak ettiler.

Esadullah Bairov öz çıqışında forum iştirakçileri ve musafirlerine Qırım Cumhuriyeti ve Sevastopol şeeri Müftisi hacı Emirali Ablayevniñ selâmlarını yetkizdi ve qayd etti ki, Qırım tek farqlı milletlernen degil de, çeşit din vekillerinen de zengindir.

“Milletlerara ve dinlerara barışıqlıq – bu tek musamaha degil de, bir-birine nisbeten kösterilgen ürmettir. Qırım – bütün dünya içün unikal bir nümünedir, çünki bu topraqta milletlerara ve dinlerara davalar iç körünmedi. Yarımadamızda em ezan sesi yanğıray, em de kiliselerden çañ sesi kele, er şey dünyamız içün çoq uyumlı. Bizim balalarımız bu barışıqlıqnı menimsep, qarşılıqlı ürmetni körip öseler. Qırımda dinlerara sulhniñ temeli bir-birimizge kösterilgen ürmet üstünde qurula”, – dep, qayd etti Esadullah Bairov.

Aqyar gübernatorı vazifesini yerine ketirgen Mihail Razvojayev ise, hatırlattı ki, Aqyar toprağında qırımtatar cemiyetiniñ teren tarihı bar, ta Ahtiyar şeeri ve körfezine adını bergen Aqyar köyünden başlayaraq. Bu sözlerden soñ, o, qırımtatar cemiyetine yerli öz-özüni idare etiv organlarınıñ inkişafı saasında bir çoq meseleniñ çezilmesindeki yapıcı rolü, güzel ve keyfiyetli teşebbüsleri içün teşekkürini bildirdi.

Konferentsiya çerçivesinde “Hatıra ve şeref yılı – Sovetlerniñ Ulu Vatan cenkinde Ğalebesiniñ 75-yıllığı”, “Devirniñ içtimaiy ve siyasiy vaziyeti köz ögüne alınaraq, qırımtatar halqınıñ tarihiy vatanında inkişafı”, “Medeniyet. Aqyar bölgesinde qırımtatar medeniyeti inkişafınıñ hususiyetleri” ve diger maruzalar oquldı.

İştirakçiler Polüşko köyünde yerleşken Vatan qoruyıcılarınıñ ve Kaça qasabasındaki Sovetler İttifaqınıñ eki defa qaramanı Amet-han Sultannıñ hatıra levhaları yanına çeçekler qoydılar.

QMDİ matbuat hızmeti