Qırımda qırımtatar halqınıñ sürgünlik qurbanlarınıñ hatırasına dualar oquldı (FOTO) - ЦРО ДУМКЦРО ДУМК

Суббота

16

октября

10
Ребиу'ль-эвель
1443 | 2021
Утр.5:34
Вос.6:50
Обед.12:33
Пол.15:27
Веч.18:06
Ноч.19:22
Времена намазов
Календарь 2021г

Намаз

Qırımda qırımtatar halqınıñ sürgünlik qurbanlarınıñ hatırasına dualar oquldı (FOTO)

Опубликовано:

Mayıs 18 künü qırımtatar halqınıñ zorbalıqnen vatanından sürgün etilüvi hatırasına Aqmescitniñ merkeziy Kebir camisinde dua merasimi keçirildi.

Dua başlanmadan evel Qırım Cumhuriyeti ve Sevastopol şeeri Müftisi qırımtatar halqınıñ tarihındaki qara künlerini unutmamağa, ecdatlarımıznıñ mirasını saqlamağa, urf-adetimizni kütmege, sürgünlik zamanında halqımıznıñ ayaqta qalmasına yarlım etken diniy degerlerimizni qorçalamağa çağırdı.

Dua merasimi “Millet” telekanalı ve “Vatan sedası” radiosınıñ canlı yayınında kösterildi. Bundan da ğayrı, duağa Feysbuk ve İnstagram ictimaiy ağlarınıñ qullanıcıları da qoşula bildi.

Er yıl, mayıs 18 künü Qırımda qırımtatar halqınıñ sürgüni qurbanlarınıñ hatırasına bağışlanıp, matem tedbirleri keçirile. Cumhuriyetniñ şeerlerinde ve diger mesken yerlerinde şu dehşetli künlerniñ qurbanları hatırasına qoyulğan abidelerge çiçekler ketirile.

Mayıs 18 künü – qırımtatar halqı içün matem ve hatıra künüdir, şu künde sürgünlik yollarında canlarını bergen, sürgünlik yerlerinden qaytıp olamağan ve Vatanda yaşamaq sevinçini yaşağan semetdeşlerimiz içün dualar oqula.

Qırım MDİ matbuat hızmeti