Qırımda natsizm qurbanları qırımçaqlar ve yehudiylerniñ hatırasını añdılar (FOTO) - ЦРО ДУМКЦРО ДУМК

Четверг

24

июня

14
Зуль-къаде
1442 | 2021
Утр.2:50
Вос.4:47
Обед.12:50
Пол.16:55
Веч.20:44
Ноч.22:41
Времена намазов
Календарь 2021г

Намаз

Qırımda natsizm qurbanları qırımçaqlar ve yehudiylerniñ hatırasını añdılar (FOTO)

Опубликовано:

Bugün, dekabr 11 künü, Aqmescit-Kefe yolunıñ 10-ncı kilometrinde natsizm qurbanları olğan Qırım qırımçaqları ve yehudiylerniñ hatırasına bağışlanğan miting olıp keçti.

Tedbirde Qırım Müftisiniñ muavini Esadullah Bairov, Qırımnıñ yehudiy ve qırımçaq cemaat teşkilâtlarınıñ azaları, milliy-medeniy muhtar teşkilâtlarınıñ vekilleri, akimiyet azaları, QC Cemaat Palatasınıñ azaları, Rusiye yehudiy kongressiniñ temsilcileri, Aqmescit ve Sevastopolniñ baş ravvinleri, studentler, talebeler ve Rusiyeniñ diger regionlarından kelgen musafirler iştirak etti.

Bundan da ğayrı, miting iştirakçileri 1941 senesiniñ dekabr ayında qurşunğa tizilgen biñlernen insanlarnıñ mezarları yanına güldesteler ve gülçemberler qoydılar. Din erbapları dualar oqudı.

Esadullah Bairov: “Qırım tarihında deşetli saifeler bar. Bugünki barışıq zamanında biz biri-birimizni ürmet ve qıymet etmek kerekmiz. Er kün Allahqa barışıq içün şükür etmelimiz”, – dep ayttı .

MALÜMAT: dekabr 11 künü – natsizm qurbanları Qırım qırımçaqları ve yehudiylerniñ hatıra künüdir. 1941 senesi dekabrniñ 11-de Kefe şossesiniñ 10-ncı kilometrinde abide yerleşken yerde 14 biñden ziyade insan qurşunğa tizildi.

QMDİ matbuat hızmeti