Qırımda imamlar içün ihtisas yükseltüvi kursları keçmekte (FOTO) - ЦРО ДУМКЦРО ДУМК

Четверг

22

апреля

11
Рамазан
1442 | 2021
Утр.4:09
Вос.5:36
Обед.12:46
Пол.16:33
Веч.19:47
Ноч.21:14
Времена намазов
Календарь 2021г

Намаз

Qırımda imamlar içün ihtisas yükseltüvi kursları keçmekte (FOTO)

Опубликовано:

Aqmescitte, Seit Settar cami külliyesi esasında Qırım Cumhuriyeti ve Sevastopol şeeri musulmanları diniy idaresiniñ imamları içün ihtisas yükseltüvi kursları keçmekte. Tedbir Qırım Müftisi hacı Emirali Ablayevniñ emirinen ötkerilmekte. Mütehassıslığını yükseltmek içün Qırım Cumhuriyetiniñ köy ve qasabalarında çalışqan 25 imam derslerge qoşuldı.

Derslerni İslâm uquqı magistrleri ve QMDİ-niñ din ocaları bere. Kurs programması çerçivesinde İslâm aqaidi, mezheplerniñ ögrenilmesi ve dinimizdeki bazı ükümlerniñ açıqlanması ögrenilecek.

Qırım Cumhuriyeti ve Sevastopol şeeri musulmanları diniy idaresi tarafından imamlar ve İslâm temelleri ocaları (qadınlar) içün ihtisas yükseltilüvi kursları yılda eki kere keçirile.

Qırım MDİ matbuat hızmeti