Qırımda "Ezan sedası" yarışınıñ saylav turları devam ete (FOTO) - ЦРО ДУМКЦРО ДУМК

Четверг

22

апреля

11
Рамазан
1442 | 2021
Утр.4:09
Вос.5:36
Обед.12:46
Пол.16:33
Веч.19:47
Ноч.21:14
Времена намазов
Календарь 2021г

Намаз

Qırımda “Ezan sedası” yarışınıñ saylav turları devam ete (FOTO)

Опубликовано:

2021 sene, mart 9 künü Aqmescitniñ Seit Settar cami külliyesinde “Ezan sedası” yarışınıñ nevbetteki saylav basamağı olıp keçti. Yarışta 8 insan iştirak etti. Jüri erkânına islâmiy ilimler medresesiniñ ocaları ile Qırım Cumhuriyeti ve Sevastopol şeeri musulmanları diniy idaresiniñ hadimleri kirdiler. Ezannıñ oqulmasına bir qaç kriteriy boyunca qıymet kesildi: doğru telâffuz, ezan metininiñ doğru oqulması, maqam, sesniñ temizligi, ifadeli eda, özüni sanada güzel tutmaq. Yarış neticesinde eñ güzel oquyıcılar olaraq Qayser Asanov, Server Şabanov ve İmran Ümerov tanılıp, finalğa çıqtılar.

Yarışnıñ birinci turu Cürçi qasabasında olıp keçken edi. Ezannıñ oqulması boyunca yarışnıñ finalına keçmek içün 6 ile 50 ve daa yuqarı yaşta olğan er kişiler iştirak ete bile.

Hatırlatamız, saylav turları mart-aprel ayları devamında, Ramazan ayına qadar ötkerilecek. Yarışnıñ finalı ise, Ramazan ayından soñ ötkerilecek.

Eñ güzel ezan oquyıcılarını mütehassıs jüri azaları belgileycek, ğaliplerni taqdirnameler ve yarış sponsorlarından hatıra bahşışları bekley.

Nevbetteki saylav turı 2021 sene, mart 11 künü Bağçasaray şeerinde olıp keçecek.

Qırım MDİ matbuat hızmeti