Qırımda bayram namazına azırlanalar - ЦРО ДУМКЦРО ДУМК

Вторник

22

сентября

4
Сефер 
1442 | 2020
Утр.5:04
Вос.6:21
Обед.12:41
Пол.15:59
Веч.18:50
Ноч.20:07
Времена намазов
Календари 2020г

Намаз

Qırımda bayram namazına azırlanalar

Опубликовано:

Musulmanlarnıñ eki büyük bayramından biri – Qurban bayramınıñ birinci künü, iyülniñ 31-nde bayram namazı saat 06:10 qılınacaq. Adet üzre, cumhuriyetniñ camilerinde cemaatnen yapılğan bayram namazınen beraber bayram hutbesi de oqulacaq.

Aqmescitte bayram namazı Medeniyet ve zenaat birligi sarayınıñ zalında (Kiyevskaya soq., 115) qılınacaq. Şu yerde namaznı Qırım musulmanlarınıñ yolbaşçısı hacı Emirali Ablayev keçirecek.

Qırım Müftiligi semetdeşlerimizge ricada buluna: bir çoq insan toplanğan cemaat namazına qoşulğanda, COVID-19 koronavirus infektsiyasınıñ darqaluvı havfı sebebinden tehlükesizlik qaidelerine riayet eteyik. Yanıñızda tibbiy maska olmalı, havfsız mesafe qaidelerini kütmeli.

2020 senesi Qurban bayramı iyülniñ 31-nde başlanacaq, bu kün Qırım Cumhuriyetinde bayram künü olaraq ilân etildi. Bu aqta emirni Qırım Cumhuriyetiniñ başlığı Sergey Aksönov imzaladı.

Qurban bayramı İslâmnıñ büyük bayramı olıp, Mekke ve onıñ civarında eda etilgen hacılıq ibadetini yekünlengenini künlerdir. Bu bayram, Oraza bayramından tahminen 70 kün keçkeninen, Zulhicce ayınıñ 10-nci kününde başlay ve dört kün devam ete.

QMDİ matbuat hızmeti