Qırımda Aqşeyh camisiniñ imamınen vedalaştılar - ЦРО ДУМКЦРО ДУМК

Суббота

06

марта

23
Реджеб
1442 | 2021
Утр.5:46
Вос.7:02
Обед.13:00
Пол.16:03
Веч.18:47
Ноч.20:03
Времена намазов
Календарь 2021г

Намаз

Qırımda Aqşeyh camisiniñ imamınen vedalaştılar

Опубликовано:

Qırım Müftisi hacı Emirali Ablayev ve Qırım musulmanları diniy idaresi Qırımnıñ Aqşeyh qasabasındaki caminiñ imamı İskender Mambetovnıñ qorantası ve yaqınlarına ölümi munasebetinen teren taziyelerini bildireler. İskender Mambetov 72 yaşına kirgen edi.

İskender Mambetov 1948 senesi Özbekistanda, Cizaq vilâyetiniñ Zarbdar köyünde dünyağa keldi. O, sürgünlikten 90-nci senelerniñ başında qorantasınen birlikte avdet oldı.

Biz İskender Mambetovnı açıq yürekli, merhametli, dindar bir insan olaraq bile edik. O, sürgünlikten Qırımğa qaytıp kelgen ilk künlerinden başlap, Qırımda İslâmnıñ canlanması içün çalıştı. İskender Mambetov tek areketçen diniy erbap degil de, cemaat faaliyetçisi de edi.

İskender Mambetovnıñ bu dünyanı terk etmesi – bizim içün büyük ğayıptır. O, 20 yıldan ziyade dinimizniñ pekinmesi içün çalıştı, ayatınıñ soñuna qadar Müftilikniñ işançlı destekçisi edi.

İskender ağanıñ qorantası ve yaqınlarına teren taziyelerimizni bildiremiz. Tuvğan insanıñnen vedalaşmaq – çoq büyük bir imtiandır. Yüce Rabbimiz bu imtiannı hayırlısınen keçmege yardımcı olsun. Allahqa dua etip, Rabbimizniñ İskender ağanıñ canına rahmet etmesini ve ebediy dünyada onı eñ güzel mukâfatnen taqdir etmesini tileymiz.

Şubesiz, biz Allah içünmiz ve qaytuvımız – Oñadır.

Qırım MDİ matbuat hızmeti