Qırım ve Sevastopol Müftisi Özbekistan Müftisi Usmanhon hacı Alimovnıñ ölümi sebebinden taziye bildirdi - ЦРО ДУМКЦРО ДУМК

Вс

26

сентября

19
Сефер 
1443 | 2021
Утр.5:09
Вос.6:25
Обед.12:39
Пол.15:54
Веч.18:43
Ноч.19:59
Времена намазов
Календарь 2021г

Намаз

Qırım ve Sevastopol Müftisi Özbekistan Müftisi Usmanhon hacı Alimovnıñ ölümi sebebinden taziye bildirdi

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev Özbekistan musulmanları diniy idaresiniñ reisi, Müfti Usmonhon Alimovnıñ ölümi sebebinden taziyesini bildirdi.

Qırım Cumhuriyeti ve Sevastopol şeeri musulmanları diniy idaresi ve, şahsen, öz adımdan Usmonhon Alimovnıñ ölümi sebebinden teren taziyemni bildirem. Biz özbek halqınıñ acısına payedarmız ve Usmonhon Alimovnıñ qorantasına, tuvğanları ve yaqınlarına teren taziyemizni bildiremiz. Bütün Özbekistan halqınen beraber keder içindemiz.

Yüce Rabbimizge dua etip, oña mağfiret ve rahmet etmesini, qorçalamasını, yaqınlarına ise, baş sağlığı, sabır-çıdam bermesini niyaz etemiz.

Şübesiz, epimiz Allah içünmiz ve qaytuvımız Oñadır.

Usmonhon (Usmon) Alimov 1950 senesi, yanvar 1 künü Özbekistanda, Samarqand vilâyetiniñ İştıhan şeerinde dünyağa keldi. O, Buhara medresesinde diniy tahsil aldı. 1989–1990 seneleri Marokkoda Qaraviyin universitetinde tahsil aldı. Özbekistannıñ baş Müftisi olmadan evel, 2006 senesi Alimov Samarqand vilâyetiniñ baş müftisi edi.

Usmonhon Alimov 72 yaşına kelip, Moskvada yürek hastalığından dünyasını avuştı.

Allah rahmet eylesin.

Qırım MDİ matbuat hızmeti

(Foto: Valeriy Şarifulin / TASS)