Qırım paytahtınıñ Dinlerara şurası 5-yıllığını qayd etti (FOTO) - ЦРО ДУМКЦРО ДУМК

Вторник

02

июня

10
Шевваль
1441 | 2020
Утр.2:57
Вос.4:49
Обед.12:46
Пол.16:49
Веч.20:33
Ноч.22:26
Времена намазов
Календари 2020г

Намаз

Qırım paytahtınıñ Dinlerara şurası 5-yıllığını qayd etti (FOTO)

Опубликовано:

Aqmescit şeeriniñ memuriyetinde Dinlerara munasebetler şurasınıñ toplaşuvı çerçivesinde teşkilâtnıñ beş yıllığı munasebeti ile şura azalarına faal çalışuvları ve Qırım paytahtında dinlerara barışıqlıq ve muabbetlikni saqlamağa yardım etkenleri içün teşekkürnameler taqdim etildi.

Toplaşuvda memuriyetniñ munasip bölükleriniñ reberleri, din erbapları, diniy teşkilâtlarnıñ, prokuraturanıñ, İçki işler ve Fevqulade işler boyunca nazirliklerniñ, Rosgvardiyanıñ vekilleri, universitet talebeleri ve cemaatçılıq iştirak ettiler.

Aqmescit şeeri memuriyetiniñ başı Yelena Protsenko adından faalitini taqdir etken teşekkürname Qırım Müftisiniñ muavini Raim Ğafarovğa da taqdim etildi.

Onıñ sözlerine köre, Dinlerara şurasınıñ 5 yıllıq işi devamında dinlerara ve milletlerara dostane munasebetlerniñ ve istiqrarnıñ pekitilip eyileşmesi, inkişaf etmesine dair bir çoq mesele baqıldı ve dinlerara yapıcı bir dialog quruldı.

Toplaşuv esnasında Şura azaları diniy binalarnıñ yanğın telükesizligine dair tedbirlerniñ kütülmesi boyunca talaplar ve 2020 senesi Bütünrusiye ealisiniñ cedvelge alınuvınen alâqalı bir sıra aktual meselelerni muzakere ettiler.

QMDİ matbuat hızmeti