Dekabr 10 künü Aqmescitteki “Abdal” mezarlığında cenaze namazı olıp keçti. Seydamet Talipovnen vedalaşmaq içün onıñ tuvğanları, yaqınları, dostları, qomşuları, işdeşleri, tanışları keldiler. Cenazede Seydamet Talipov aqqında güzel sözler ve hatıralar aytıldı. İnsanlar onıñ merhametligi, diger adamnıñ kederine nisbeten hassaslığı, ağır künde yardım qolunı uzatmağa azırlığı, onıñ öptimizmi, insanlarnen qonuşqanda, er vaqıt sevinç içün sebep tapa bilgeni, bundan aqiqaten bahtlı ola bilgeni aqqında hatıralarınen paylaştılar. Seydamet Talipovnıñ üç yetişken balası ve dört torunı bar. O, 54 yaşında edi.
Allah rahmet eylesin.
QMDİ matbuat hızmeti
