Qırım musulmanları Qurman rayonınıñ baş imamı Arsen Yağlıyevnen vedalaştılar (FOTO) - ЦРО ДУМКЦРО ДУМК

Среда

23

июня

13
Зуль-къаде
1442 | 2021
Утр.2:49
Вос.4:47
Обед.12:50
Пол.16:55
Веч.20:43
Ноч.22:41
Времена намазов
Календарь 2021г

Намаз

Qırım musulmanları Qurman rayonınıñ baş imamı Arsen Yağlıyevnen vedalaştılar (FOTO)

Опубликовано:

Mayıs 23 künü dostumız, qardaşımız, Qurman rayonınıñ baş imamı Arsen Yağlıyev bu faniy dünyanı terk etti. O, mayıs 19 künü yüz bergen yol qazası neticesinde zararlandı ve, özüne kelmeyip, dünyasını avuştı.

Arsen Yağlıyevnen vedalaşmaq içün onıñ tuvğanları, yaqınları, qomşuları, işdeşleri, – balalığını, gençligini, Qalay islâmiy ilimler medresesinde oquğan yıllarını, Qurman rayonınıñ baş imamı vazifesini eda etken zamanını bilgenler keldi.

Cenazede Arsen Yağlıyev aqqında eñ güzel sözler aytıldı. Er kes onı faal, ğayretli insan, güzel baba ve qoca, milleti oğrunda çalışqan ve Allahnıñ rizasını qazanmağa tırışqan mümin olaraq bile edi.

Arsen Yağlıyev Qurman qasabasınıñ merkeziy mezarlığında defin etildi. O, 39 yaşında edi.

Arsen Yağlıyevniñ altı balası qaldı. Eñ kiçigi 7 aylıqtır.

Allah rahmet eylesin.

Qırım MDİ matbuat hızmeti