Qırım musulmanları mubarek Beraat gecesine azırlanalar! - ЦРО ДУМКЦРО ДУМК

Четверг

29

июля

19
Зуль-хидждже
1442 | 2021
Утр.3:36
Вос.5:15
Обед.12:54
Пол.16:52
Веч.20:23
Ноч.22:03
Времена намазов
Календарь 2021г

Намаз

Qırım musulmanları mubarek Beraat gecesine azırlanalar!

Опубликовано:

Musulman taqvimi boyunca şaban ayınıñ 14-15 bağlağan gecesinde dünya musulmanları Beraat gecesini (arapça: “Leylâtuʼl-beraat”) – “azat etilüv” ya da “günahlardan temizlenüv” gecesini qarşılaycaqlar. 2021 senesi işbu gece mart 27-28 bağlağan gecege tüşe.

Bağışlav ya da Merhamet gecesi olaraq adlandırılğan Beraat gecesinde Yüce Rabbimiz qullarına muracaat ete: günahlardan temizlenmege istegenler barmı, – olarnı temizleyim, şifa istegenleri barmı, – olarğa şifa bereyim, rızıq sorağanlar barmı, – olarğa bereyim, – diye, qabul etilecek samimiy dualarnı bekley.

Beraat gecesi – musulman dünyasında Qadir gecesinden soñ eñ müim gecelerden biri sayıla. Beraat gecesinde insanlarğa kelecek yılğa berilecek rızıqlar belgilene.

Bu gece yaramay amel işlegenler cennetten uzaqlaşa, eyi işler yapqanlar ise, ceennemden uzaqlaşa.

Qayd etmeli ki, bu gece musulmanlar günahları afu etilmesi ve keçmişleri içün dualar oquy. Kündüz oraza tutmaq, mezarlıqlarnı ziyaret etmek ve sadaqa bermek tevsiye etile.

Qırım camilerinde Beraat gecesinde aqşam namazından soñ mahsus diniy programmalar keçirilecek, er kes davetlidir.

Qırım Cumhuriyeti ve Sevastopol şeeri musulmanları diniy idaresi musulmanlarnı, Allahnıñ soñsuz merhametine işanıp, bu künni ibadet içinde keçirmege, günahlar içün tövbe etmege, Allahtan bağışlav tilemege ve ihtiyaclarnıñ qarşılanmasını soramağa davet ete.

Qırım MDİ matbuat hızmeti