Qırım müsülmanları kelecek nesillerge mektüp azırladır(FOTO) - ЦРО ДУМКЦРО ДУМК

Среда

27

мая

4
Шевваль
1441 | 2020
Утр.3:04
Вос.4:52
Обед.12:45
Пол.16:47
Веч.20:28
Ноч.22:17
Времена намазов
Календари 2020г

Намаз

Qırım müsülmanları kelecek nesillerge mektüp azırladır(FOTO)

Опубликовано:

Keçenleri  Bağçasaray rayonı “Süren” demiröl stantsiyasında, sürgün etilgen halqlarnıñ qurbanlarına bağışlanğan Memorial kompleksi territoriyasında inşaat etilecek cami yerinde kelecek nesillerge muracaat ile kapsula yerleştirildi. 

Tedbir Rusiye Prezidenti Vladimir Pütin tarafından repressiyalarğa oğratılğan halqlarnıñ reabilitatsiyası aqqında fermannıñ imzalanmasına  3 yıl tolğanı munasebetinen ötkerildi.

İşbu merasimde RF Devlet Dumasınıñ deputatı Ruslan Balbek, milletlerara munasebetleri ve sürgün etilgen grajdanlarnıñ işleri boyunca Devlet komitetiniñ reisi Zaur Smirnov, Bağçasaray rayonı memuriyetiniñ reis muavini Refat  Derdarov, “İnkişaf” cemaat teşkilâtınıñ reberi Eskender Bilâlov, Müftiyat reberleri, Aqmescit ve Kqırım Yeparhiyasınıñ vekilleri, Bağçasaray şeer ve rayonınıñ sakinleri iştirak ettiler.

Muracaatta tarih dersleriniñ müimligi ve kelecekte bu kibi facialarğa yol berilmemesi aqqında yazılğan.

“Sürgünlik  –  bu, biñlerce qabaatsız insanlarnıñ ölümi, Vatandan uzaq yerlerde cıyılmayıp qalğan ecdatlarımız. Unutmağa aqqımız olmağan bir facia, kelecekte bu kibi hatalarğa yol berilmemek kerek. Tarih derslerini barışıq içün qullanmalımız. Birlikte umumiy kelecegimizni qurmalımız, onı aybetlep, eyileştirmelimiz. Zamandaşlarımız, ecdatlarımız ve neslimiz ile Qırımğa nisbeten sevginen bağlımız. Dülber Qırımımıznı qorup yaşañız, ihtiyalarımıznıñ izinden ketip, bizler böyle yapamız”, – dep aytıla metinde.

 Bunıñnen beraber, muracaatta Muqaddes Qurandan ayet berile: “Allahnıñ çağıruvı eyilik yoluñıznı aydınlatsın: Yahşılıq ve Allahtan qorqma işinde biri-biriñizge yardım etiñizi, amma, günâh ve qast etüv işlerinden qaçınıñız. Allahtan qorquñ, çünki Allahnıñ cezası qorqunçlıdır” (Maide suresi, 2-nci ayeti  – manası)

Qırım Müftisi hacı Emirali Ablayev dua oqup, er keske tınçlıq-amanlıq tiledi.

 “Reabilitirlengen halqlarnıñ tiklenüvi, adalet içün iş alıp barğan devlet, dujmhuriyet reberilerine teşekkürler bildiremiz. Bu hayırlı bir iştir, Allah qolay ketirsin”, – dedi Müfti.

Daa bir kapsula pravoslav ibadethanesi qurulayatqan yerde de qoyuldı. Şu yerde Qırım ve Aqmescit yeparhiyasınıñ vekilleri dualar keçirdiler.

Memorial aman-aman eki gektarnı qaplap alacaq. Onıñ territoriyasında cami, müzey, kilse, abide, “Qırım halqlarınıñ tiklevi” stelası. Vagon-memorial, şadırvanlar yerleşecek.

QMDİ MDT matbuat hızmeti