Müftiyat hadimleri "Salğır-baba" azizi yerleşken yerni tertipke ketirdiler - ЦРО ДУМКЦРО ДУМК

Пн

13

июля

22
Зуль-къаде
1441 | 2020
Утр.3:09
Вос.4:59
Обед.12:54
Пол.16:56
Веч.20:38
Ноч.22:28
Времена намазов
Календари 2020г

Намаз

Müftiyat hadimleri “Salğır-baba” azizi yerleşken yerni tertipke ketirdiler

Опубликовано:

Qırım müsülmanları Diniy İdaresiniñ hadimleri Aqmescitte “Salğır – baba” azizi yerleşken yerde talaqa keçirdiler. Yıllar devamında Aqmescitniñ bu tarihiy qısımı harabe alda buluna.

Bu meydan terek ve çegerlernen toldı, çöplük içinde battı, totlanğan qapı ilânlar divarına çevirildi. Müftiyat hadimleri meydannı cıyıştırdılar, terek ve çegerlerniñ dallarını qısqarttılar, çöplük obalarnı attılar, qapını temizlep, boyaladılar. Şu yerden bir KaMaz çöplük alıp ketildi. Qırım Müftisiniñ muavini Ayder İsmailov, Ramazan ayında bu hayırlı iş – talaqada iştirak etken hadimlerge teşekkürler bildirdi. “Biz öz Vatanımızda yaşaymız, özümizni bu topraqlarnıñ saibi olaraq alıp barmalımız. Bugün bu aziz yerni tertipke ketirdik, o ise, ahirette bizim içün şefaatçı olacaqtır”, – dedi Ayder İsmailov. Spravka: “Salğır-Baba” azizi 17-nci asırdan belli olğan bir aziz yeridir. Salğır-baba derviş ve dinge sıqı sarılğan insan olğan, öz duaları Salğır özeni yalısına kelip, oquğan. Oña em hastalar, em balası olmağan qadınlar yardım sorap muracaat etkenler. Yıllar devamında bu yer acınıqlı alda edi. 90-ncı seneleri tesis etilgen müsülman cemiyeti boynuna alğan vazifeni becermedi. Tek 2013 senesi şeer memuriyetine muracaatlar yazılıp, bu topraq Qırım müsülmanları Diniy İdaresine berildi.

QMDİ MDT matbuat hızmeti