Qırım Müftisiniñ taziyesi - ЦРО ДУМКЦРО ДУМК

Вторник

24

ноября

8
Ребиу'ль-ахир
1442 | 2020
Утр.6:21
Вос.7:43
Обед.12:35
Пол.14:48
Веч.17:17
Ноч.18:39
Времена намазов
Календари 2020г

Намаз

Qırım Müftisiniñ taziyesi

Опубликовано:

Qırım Müftiligi İslâm Terek rayonındaki Juravki köyüniñ imamı Enver Abibullayevniñ (1953 s. doğumlı), Yedi Quyu rayonındaki Batalnoye köyüniñ “Arğımaq Eli” din cemiyetiniñ reisi Smail Halilovnıñ (1959 s. doğumlı) ve Qarasuvbazar rayonındaki Miçurino köy cemiyetiniñ faaliyetçisi Edem Abilvapovnıñ (1983 s. doğumlı) vefatlerı munasebetinen qorantaları, tuvğanları ve yaqınlarına teren taziyelerini bildire.

Biz Enver Abibullayev, Smail Halilov ve Edem Abilvapovnı namuslı, fedakâr insanlar, aqiqiy musulmanlar olaraq bile edik, olar Allahnıñ rizasını qazanmaq içün eyi işlerni yapmağa tırışa ediler. Daima muhtaclarğa yardım etilgende destek köstere ediler, hayriye aktsiyalarında iştirak ete ediler, hasta balalarnıñ tedaviylenüvi içün para toplay ediler, öz bölgelerindeki din cemiyetleriniñ meselelerini çezmekte, camilerniñ qurulmasında iştirak ete ediler.

Merhumlarnıñ qorantaları, tuvğanları ve yaqınlarına teren taziyelerimizni bildiremiz. Bu acığa tayanmaq içün Allah küç ve sabır bersin.

Yüce Rabbimiz din qardaşlarımıznı afu etsin ve olarğa rahmet eylesin.

“Şübesiz, epimiz Allah içünmiz ve qaytuvımız Oñadır” (“Baqara” suresi, 2/155-157 ayet).

Allah rahmet eylesin.

QMDİ matbuat hızmeti