Qırım Müftisiniñ Ramazan ayınıñ başlanuvı munasebetinen hayırlav sözleri - ЦРО ДУМКЦРО ДУМК

Четверг

03

декабря

17
Ребиу'ль-ахир
1442 | 2020
Утр.6:30
Вос.7:54
Обед.12:38
Пол.14:45
Веч.17:13
Ноч.18:36
Времена намазов
Календари 2020г

Намаз

Qırım Müftisiniñ Ramazan ayınıñ başlanuvı munasebetinen hayırlav sözleri

Опубликовано:

Sayğılı dindaşlar, ağa ve tatalar! Muqaddes Ramazan ayı keleyata! Bu – maneviy ceetinden arınuv, ömürge qıymet kesüv, çalışuv ve imannıñ pekitüv zamanıdır.

Ramazan ayında muqaddes Kitabımız Quran-i Kerim endirilip başlandı ve Muhammed Peyğamberimizniñ (s.a.v) elçi sıfatında hızmeti başlandı. Ramazan ayında tutulğan oraza – imanımıznıñ qaviyligi, yüreklerimizniñ merhameti, niyetlerimizniñ temizligini, amellerimizniñ alicenaplığını sınap baqmaq içün bir imtiandır. Ayatımızda qarşılaşqan bütün qıyınlıqlarnı Allahtan kelgen bir imtian kibi qabul etsek, daa sakin ve bahtlı olurmız. Allah Taalânıñ (c.c) “Er zahmet altında bir rahmet bardır”, degen sözlerine işanıp, küçlü, sabırlı olmalımız.

Ramazan ayında er daqiqanıñ qıymeti ölçenilmez, demek, bu vaqıtnı boş keçirmemek kerekmiz. Bu ayda evelki kibi Qırım camilerinde cemaat içün iftarlar ötkerilecek, istegenler qoşula bileler. Dindaşlarımızğa bu hayırlı vaqıtnı ibadet yapıp, ilk nevbette, Oraza tutmaq, teravih namazlarğa qatnap, Quran oqup, yaqınlarıñıznı quvandırmaq, hasta ve qartlarnı ziyaret etmek, sadaqa bermek ve biri-birimizge daa sabırlı yanaşmaqnı tileymiz.

Yüce Rabbimiz ibadetlerimizni eñ eyi şekilde yerine ketirmege nasip etsin. Ramazan ayında qırımtatarlar ve Qırım içün Allahnıñ rahmet qapıları açılsın: hastalar tüzelsin, meseleler çezilsin, yürekler birleşsin.

Allah orazalırımıznı, dualarımıznı qabul etsin.

Selâm aleyküm ve rahmetullaahi ve berekâtuh!

Qırım Müftisi hacı Emirali Ablayev