Qırım Müftisiniñ Qırımda koronavirus hastalığınıñ darqaluvınen alâqalı muracaatı - ЦРО ДУМКЦРО ДУМК

Вс

11

апреля

29
Шабан
1442 | 2021
Утр.4:32
Вос.5:55
Обед.12:49
Пол.16:27
Веч.19:33
Ноч.20:55
Времена намазов
Календарь 2021г

Намаз

Qırım Müftisiniñ Qırımda koronavirus hastalığınıñ darqaluvınen alâqalı muracaatı

Опубликовано:

Qırım Müftisi musulmanlarnı vatandaşlıq mesülietini kösterip, koronavirus infektsiyasınıñ darqalmaması içün kerekli tedbirlerni almağa çağırdı.

Ürmetli dindaşlar, qıymetli vatandaşlar. 2020 taqvim yılı yekünlene. Qırımda koronavirus infektsiyasınıñ tez darqatıluvı sebebinden biz er kün yaqınlarımıznı, soylarımıznı, dostlarımıznı, semetdeşlerimizni ğayıp etemiz. Bugünki künde havflı vaziyet devam etmekte. Şu sebepten sizge kene muracaat etip, kendiñizniñ ve yaqınlarıñıznıñ sağlıqlarını qorçalamañıznı rica etem. Dinimiz bizden em bir insannıñ, em de bütün cemiyetniñ sağlığını qorçalamaqnı talap ete. Bugün er birimizniñ üstünde mesüliet bar. Quranda: “Öz-özüñizni tehlikege atmañız”, – dep buyurıla! (“Baqara” suresi, 2/195 ayet).

Havfsızlıq tedbirlerine riayet etmeñizni rica etem. Musulmanlarğa lâyıq şekilde şahsiy temizlik qaidelerine riayet etiñiz, insanlar toplu olğan yerlerge qoşulmañız ve, imkânıñızğa köre, mümkün olğanı qadar, qatnamalarıñıznı sıñırlamağa tırışıñız. Hususan, üyken nesilimiz bu qaidelerge riayet etmeli.

İmkânıñızğa köre, qalabalıq toylarnı ve kütleviy tedbirlerni başqa vaqıtqa keçiriñiz, cenaze azırlıqlarınıñ vaqıtını qısqartmağa tırışıñız, cenazede havfsızlıq mesafesi qaidesine riayet etiñiz.

Camige azırlanğanda, öz namazlıqlarıñıznı alıñız. Cuma namazı vaqıtında mıtlaqa arañızda bir yarım metr mesafe olsun, tibbiy maskalarnı kiymege unutmañız. Böylece, siz em özüñizni, em digerlerini qorçalarsıñız.

Hastalıq alâmetlerini, alsızlıq duysañız, hastalıq darqaluvınıñ sebepçisi olmamaq içün, lütfen, camige kelmeñiz. Hastalıq alâmetlerini duysañız, mıtlaqa ekimge muracaat etiñiz, öz başıñızğa tedaviylenüvnen oğraşmañız!

Allahqa dua etip, bizni belâlardan saqlamasını, qaza-belâlarğa oğrağanlarğa yardımcı olmasını, hastalıq sebebinden bu dünyanı terk etkenleriniñ canına rahmet etmesini tileymiz. Dua – soñsuz-tükenmez küç menbamızdır!