Qırım Müftisi Qurman rayonınıñ baş imamı Arsen Yağlıyevniñ qorantasına taziye bildirdi - ЦРО ДУМКЦРО ДУМК

Суббота

16

октября

10
Ребиу'ль-эвель
1443 | 2021
Утр.5:34
Вос.6:50
Обед.12:33
Пол.15:27
Веч.18:06
Ноч.19:22
Времена намазов
Календарь 2021г

Намаз

Qırım Müftisi Qurman rayonınıñ baş imamı Arsen Yağlıyevniñ qorantasına taziye bildirdi

Опубликовано:

Qırım Müftisi ve Qırım Cumhuriyeti ve Sevastopol şeeri musulmanları diniy idaresiniñ kölektivi Qurman rayonınıñ baş imamı Arsen Yağlıyevniñ qorantası, tuvğanları ve yaqınlarına teren taziyeler bildireler.

1981 senesi doğğan Arsen Yağlıyev 2021 senesi, mayıs 19 künü yüz bergen yol qazası neticesinde bu faniy dünyanı terk etti.

Biz Arsen Yağlıyevni namuslı, dindar, Allahnıñ razılığını qazanmağa tırışqan kerçek musulman olaraq bile edik.

O, muhtaclarğa yardım etmege, hayriye aktsiyalarında iştirak etmege, ağır hasta balalarğa yardım toplamağa, din cemiyetleriniñ işlerinen oğraşmağa ve camilerniñ qurucılığında iştirak etmege daima azır edi.

Arsen Yağlıyevniñ qorantası, tuvğanları ve yaqınlarına teren taziyelerimizni bildiremiz. Emir Allahnıñdır, başıñız sağ olsun, Yüce Rabbimiz sabır ve çıdam nasip eylesin!

“Şübesiz, biz Allah içünmiz ve qaytuvımız Oñadır” (“Baqara” suresi, 2/156 ayet).

Allah rahmet eylesin.

Qırım MDİ matbuat hızmeti