Qırım Müftisi Qırım musulmanlarını Qurban bayramınen hayırladı - ЦРО ДУМКЦРО ДУМК

Суббота

26

сентября

8
Сефер 
1442 | 2020
Утр.5:09
Вос.6:25
Обед.12:39
Пол.15:54
Веч.18:43
Ноч.19:59
Времена намазов
Календари 2020г

Намаз

Qırım Müftisi Qırım musulmanlarını Qurban bayramınen hayırladı

Опубликовано:

Ürmetli musulmanlar! Aziz vatandaşlar!

Qırım Cumhuriyeti ve Sevastopol şeeri musulmanları diniy idaresi ve, şahsen, öz adımdan sizni mubarek Qurban bayramınen hayırlayım.

Yüce Allahqa şükürler olsun, biz nevbetteki büyük bayramnı qarşılaymız.

Bu bayram – milletimizni birleştirgen büyük maneviy qıymetlerden biridir. Qurban bayramı bereket ketire, birlik ve muabbetlikke yol aça, er birimizde merhametlik ve cümertlik duyğularını uyandıra.

Bugün biz taaciplendirgen tarihiy vaqialarnıñ şaatları olamız. Soñki bir yarım asırda ilk sefer dünya musulmanlarınıñ çoqusı İslâm şartlarıdan biri olğan hacılıq ibadetini yerine ketirip olamaylar. Koronavirus pandemiyası – Yüce Rabbimizniñ bütün insaniyetlikke yollağan imtianıdır. Epimiz bu imtiandan keçmek ve bir-birimizni saqlamaq kerekmiz.

Qurban bayramı – acılar ve can ağırtuvları unutılğan vaqıttır. Bu künlerde musulmanlar bir-birine yardım elini uzata ve qurban çalıp, muhtaclarğa ve öksüzlerge yardım eterek, Allahqa yaqınlaşmağa tırışalar.

Qırım musulmanları ecdatlarnıñ zengin medeniy ve maneviy mirasını büyük muqaytlıqnen saqlaylar ve balalarında tarihqa, milletimizniñ urf-adetlerine nisbeten sevgi aşlamağa tırışalar.

Yaqınlarımız, soy-soplarımıznı hayırlağanda, bizim diqqatımızğa muhtac olğan qartlarımıznı, öksüz balalarnı ve ağır hastalarnı da unutmayıq.

Allah bizni soñsuz merhametinden ayırmasın. Yüce Rabbimiz dualarımıznı, tileklerimizni ve qurbanlarımıznı qabul etsin.

Yüce Rabbimizge musulmanlarğa sabır bermesi ve yüreklerini imannen nurlandırması içün dua etemiz. Allahqa musulmanlarnı birleştirmesi, barışıqlıqnı saqlaması, vatanımıznıñ ve milletimizniñ güllemesi içün dua etemiz!

Qırım Müftisi hacı Emirali Ablayev