Qırım Müftisi Qarasuvbazar şeeri ve rayonınıñ rehberlerinen iş muşaveresinde bulundı (FOTO) - ЦРО ДУМКЦРО ДУМК

Суббота

16

октября

10
Ребиу'ль-эвель
1443 | 2021
Утр.5:34
Вос.6:50
Обед.12:33
Пол.15:27
Веч.18:06
Ноч.19:22
Времена намазов
Календарь 2021г

Намаз

Qırım Müftisi Qarasuvbazar şeeri ve rayonınıñ rehberlerinen iş muşaveresinde bulundı (FOTO)

Опубликовано:

Qırım Müftisi hacı Emirali Ablayev Qarasuvbazar rayonına iş ziyareti devamında Qarasuvbazar şeeri ve rayonı başlıqları İgor İpatko ve Galina Pereloviçnen körüşti.

Muşaverede Qırım Cumhuriyetiniñ milletlerara munasebetler boyunca devlet komitetiniñ rehberi Ayder Tippa, Qırım Müftisiniñ muavini Esadullah Bairov, Qarasuvbazar rayonınıñ baş imamı Siyar Abdulğaniyev, Qarasuvbazar şeer şurasınıñ reisi Stanislav Krıjanovskiy ve Bağçasaray şeer şurasınıñ deputatı Ervin Musayev de iştirak ettiler.

Taraflar şeer ve rayon camilerniñ resmiyleştirilüvi, şeer parkında “Azizler” abidesiniñ abadanlaştırıluvı leyhasınınıñ ömürge keçirilüvi ve sürgünlik qurbanlarınıñ hatırasına abideniñ quruluvı, tarihiy Yıldırım camisiniñ Qırım Müftiliginiñ mülkiyetine keçirilüvi meselelerini muzakere ettiler.

Al-ı azırda XVII-XIII asırlarğa ait qadimiy caminiñ binasında sekiz qoranta yaşay, olarnıñ diger evlerge yerleştirilüvi meselesi baqıla. Bundan da ğayrı, Qışlav (Kurskoye) köyündeki caminen bağlı vaziyet ve diger meseleler muzakere etildi.

Qırım Müftisi şeer ve rayon yaşlarınıñ maneviy-ahlâqiy terbiyesi saasında yerli akimiyet organları ve diniy idareniñ işbirlik etmeleri kerekligine diqqatnı celp etti.

Muşavere neticesinde Müfti şeer ve rayon rehberiyetine yapıcı dialog qurulğanı içün teşekkür bildirdi ve olarğa Qırım Cumhuriyeti ve Sevastopol şeeri musulmanları diniy idaresi adından dinlerara ve milletlerara munasebetlerniñ inkişafı ve pekitilmesi, Qarasuvbazar rayonında milliy ve diniy medeniyetlerniñ saqlanıluvındaki isseleri içün teşekkürnameler taqdim etti.

Qırım MDİ matbuat hızmeti