Qırım Müftisi konferentsiya iştirakçilerini qabul ete (FOTO) - ЦРО ДУМКЦРО ДУМК

Четверг

29

июля

19
Зуль-хидждже
1442 | 2021
Утр.3:36
Вос.5:15
Обед.12:54
Пол.16:52
Веч.20:23
Ноч.22:03
Времена намазов
Календарь 2021г

Намаз

Qırım Müftisi konferentsiya iştirakçilerini qabul ete (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayev Rusiye musulmanları diniy cemiasınıñ Müftisi Albir Krganov ile körüşti. Musafir Müfti Qırımğa “Pandemiya zamanında Rusiye musulmanları diniy idareleri: içtimaiy hızmetniñ yañı usulları” halqara ilmiy-ameliy konferentsiyasında iştirak etmek içün keldi.

Ziyaret esnasında Qırım Müftisi yarımadada yaşağan musulmanlarnıñ yaşayışı ve QMDİ şurası tarafından qabul etilgen Ramazanda teravih namazlarınıñ qılınacağı ile Covid-19 hastalığınıñ yañı suratnen darqatıp başlamasından sebep camilerde iftarlar keçirilüviniñ sıñırlanması qararları aqqında tarif etti.

Albir Krganov ise, öz nevbetinde, Qırım musulmanlarına sağlıq, hastalarğa şifa ve, Allahnıñ yardımınen, şu qıyın zamannı ğayıpsız keçirmege tiledi.

Aprel 8 künü Albir Krganov Aqyarda keçirilecek “Pandemiya zamanında Rusiye musulmanları diniy idareleri: içtimaiy hızmetniñ yañı usulları” halqara ilmiy-ameliy konferentsiyasında iştirak etecek.

Qırım MDİ matbuat hızmeti