Qırım Müftisi İnguşetiya musulmanları diniy idaresiniñ eyetinen körüşti (FOTO) - ЦРО ДУМКЦРО ДУМК

Пн

10

мая

28
Рамазан
1442 | 2021
Утр.3:32
Вос.5:09
Обед.12:44
Пол.16:40
Веч.20:09
Ноч.21:46
Времена намазов
Календарь 2021г

Намаз

Qırım Müftisi İnguşetiya musulmanları diniy idaresiniñ eyetinen körüşti (FOTO)

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev İnguşetiya Cumhuriyeti musulmanları diniy idaresiniñ eyetinen körüşti. Körüşüv aprel 8 künü, Sevastopolde, “Pandemiya zamanında Rusiye musulmanları diniy idareleri: içtimaiy hızmetniñ yañı usulları” halqara ilmiy-ameliy konferentsiyası çerçivesinde olıp keçti. Körüşüv devamında taraflar bölgelerinde yaşağan musulmanlarnıñ yaşayışınen alâqalı malümatnen paylaşıp, qurulacaq işbirlik ve koronavirus hastalığınıñ darqalmaması içün alınacaq tedbirlerniñ beraberce belgilenmesi meselelerini muzakere ettiler.

Bundan da ğayrı, işbu diniy müessiselerniñ vekilleri cumhuriyet ve devlet seviyesinde diniy-maarif leyhalarınıñ ömürge keçirilüvi boyunca yapılğan işleri aqqındaki malümatnen paylaştılar. İnguşetiya Cumhuriyeti diniy idaresiniñ vekilleri Qırım Müftisi hacı Emirali Ablayevge sıcaq qarşılavı içün teşekkür bildirip, Qırım ealisine sağlıq, bereket ve muvafaqiyetler tilediler.

Qırım MDİ matbuat hızmeti