Qırım Müftisi hacı Emirali Ablayev rayon imamları ile körüşüv keçirdi (FOTO) - ЦРО ДУМКЦРО ДУМК

Вс

24

января

10
Джумазие'ль-ахир 
1442 | 2021
Утр.6:40
Вос.8:01
Обед.13:00
Пол.15:19
Веч.17:50
Ноч.19:11
Времена намазов
Календарь 2021г

Намаз

Qırım Müftisi hacı Emirali Ablayev rayon imamları ile körüşüv keçirdi (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayevniñ rayon imamlarınen iş körüşüvi olıp keçti. Körüşüv devamında din erbapları keçken ayda yapqan işleriniñ esabatını berdi ve iş meselelerini muzakere ettiler. Hususan, topraq ve diniy binalarnıñ resmiyleştirilüvi meseleleri köterildi. Böylece, Canköy rayonınıñ Volnoye (Frayleben) köyünde rayon memuriyetiniñ yardımı ile diniy bina Qırım Müftiliginiñ mülkiyetine keçirildi. Yerli musulmanlarnıñ ğayreti ile bina cami olaraq donatıldı, endiden başlap, Volnoye köyüniñ ve onıñ etrafında yerleşken köylerniñ sakinleri toplu ibadetlerini keçire bilecekler. Bundan da ğayrı, İslâm Terek rayonı ve Aqmescit rayonınıñ bir sıra mesken yerlerinde vesiqalar faal şekilde resmiyleştirile.

Qırım Müftisi hacı Emirali Ablayev ise, öz nevbetinde, rayon imamlarına Aqmescitte Salğır-baba azizine ait topraqnıñ Qırım Müftiliginiñ mülkiyetine muvafaqiyetnen keçirilgenini ve bu topraqnıñ ileride abadanlaştırılması planlaştırılğanını bildirdi.

Rayon imamları COVID-19 virus infektsiyasınıñ darqaluvınen bağlı raatsızlıqlarını bildirdiler. Al-ı azırda cami ve ibadethanelerde hastalıqnıñ darqalmaması içün kerek tedbirler alıp barıla, hususan, – dezinfektsiya vastaları, bazı yerlerde – bakteritsid retsirkulâtorlar qullanıla, binalarda sanitar temizlev işleri keçirile. Musulmanlar, camilerge kelgende, şahsiy namazlıqlar ve tıbbiy maskalarnı qullanmaq kerekligi aqqında haberdar etilgen.

Qırım Müftisi hastalıqnıñ profilaktikası içün tedbirlerniñ zaruriyeti ve havfsızlıq içün er kes mesuyetli olğanı aqqında daa bir kere hatırlattı.

“Etrafta olğan insanlarğa diqqatlı oluñız, hususan, esli-başlılarğa. Şimdi olar diqqatqa eñ muhtac kimselerdir, çünki virus aynı yaşlı insanlar içün havflıdır. Umumen, vatandaşlarımıznıñ yaşayışınen daa yaqından meraqlanmaq kerek. Biz de, öz nevbetimizde, er daim sizge yardım etmege azırmız”, – dedi Müfti, hacı Emirali Ablayev.

Qırım Müftiliginde rayon imamları ile iş körüşüvleri er ay keçirile, bundan da ğayrı, İslâm temelleri ocalarınen toplaşuvlar ötkerile, din ocaları aktual meselelerni muzakere eteler ve iş planlarını tizeler.

QMDİ matbuat hızmeti