Qırım Müftisi Enver Üseinovnıñ qorantasına taziyeler bildirdi - ЦРО ДУМКЦРО ДУМК

Вторник

29

сентября

11
Сефер 
1442 | 2020
Утр.5:13
Вос.6:29
Обед.12:38
Пол.15:50
Веч.18:37
Ноч.19:53
Времена намазов
Календари 2020г

Намаз

Qırım Müftisi Enver Üseinovnıñ qorantasına taziyeler bildirdi

Опубликовано:

Qırım Müftisi milliy küreş boyunca “Küreş” Qırım Federatsiyasınıñ vitse-prezidenti, Qırım Cumhuriyetinde “Köreş” Bütünrusiye federatsiyasınıñ quşaqlar ile sportiv küreşniñ reisi Enver Üseinovnıñ faniy dünyanı terk etkeninen bağlı taziyeler bildirdi.

Er kes Enver Üseinovnı dindar insan, faal cemaat erbabı, qırımtatarlarnıñ milliy sport çeşitiniñ saqlanuvı içün büyük isse qoşqan adam olaraq tanığan edi.

Bütün Qırım musulmanları ve Qırım Cumhuriyeti ve Sevastopol şeeri musulmanları diniy idaresi adından Enver Üseinovnıñ qorantası ve tuvğanlarına teren taziyeler bildiremiz. Bu büyük kederde Allah sizge küç ve sabır bersin.

Kerçekten, Allahtan keldik ve qaytuvımız Oñadır. Allah onıñ canını qabul etsin ve rahmet eylesin, günahlarını afu etsin ve Qıyamet künü onı cennetke kirsetsin.

Enver Üseinov 2020 senesi, fevral 25 künü 72 yaşına kelip, faniy dünyanı terk etti.

QMDİ matbuat hızmeti