Qırım Müftisi cumhuriyet ve Aqmescit akimiyetine Salğır baba aziziniñ qaytarıluvı içün teşekkür bildirdi - ЦРО ДУМКЦРО ДУМК

Вс

24

января

10
Джумазие'ль-ахир 
1442 | 2021
Утр.6:40
Вос.8:01
Обед.13:00
Пол.15:19
Веч.17:50
Ноч.19:11
Времена намазов
Календарь 2021г

Намаз

Qırım Müftisi cumhuriyet ve Aqmescit akimiyetine Salğır baba aziziniñ qaytarıluvı içün teşekkür bildirdi

Опубликовано:

Qırım Müftisi hacı Emirali Ablayev Salğır baba aziziniñ saası Qırım Cumhuriyeti ve Sevastopol şeeri musulmanları diniy idaresiniñ mülkiyetine qaytarıluvı içün minnetdarlığını bildire.

“Aman-aman 30 yıl devamında musulmanlar azizniñ cumhuriyetniñ musulman cemiyetine qaytarıluvını bekley ediler. Qırım Cumhuriyetiniñ başlığı Sergey Aksönovnıñ qoltutuvı ve Aqmescit şeer memuriyetiniñ başlığı Yelena Protsenko, memuriyet başlığınıñ muavini Valentin Demidov, şeer memuriyetiniñ milletlerara bölüginiñ rehberi İslâm Üseinov ve QMDİ qurucılıq ve topraq meseleleri bölüginiñ rehberi Ervin Kerimovnıñ destegi ile Salğır baba aziziniñ saası Qırım Müftiliginiñ mülkiyetine keçti. Bu – Qırım Müftiligi ve şeer memuriyetiniñ uyumlı ve semereli işiniñ misalidir. Qanuniy qarar artıq alındı. Ögümizde daa bir yol bar, bu –Salğır baba aziziniñ abadanlaştıruvı yoludır”, – dedi müfti efendi.

İhtar: Salğır baba azizi XVII asırdan başlap aziz yer olaraq bellidir. Rivayetke köre, Salğır baba dindar mütefekkir ve zahid, salih bir adam olıp, Salğırnıñ yalısındaki emenlikteki tenha bir yerge dua ve ibadet içün çekile edi. Duasını ve tevsiyesini almaq içün kelgenler arasında uzun zamandan berli balaları olmağan qadınlar da oña şifa ve dua içün muracaat ete ediler. Salğır baba dualarnen ve çoqraqtan aqıp çıqqan şifalı suvnen olarnı tedaviy edi. Tarihçılarnıñ sözlerine köre, aynı şu sebepten 1908 senesi azizniñ yanında alâ daa çalışqan lohsahane quruldı.

QMDİ matbuat hızmeti