Qırım Müftisi Cuma caminiñ qurucılarını zenaat bayramınen hayırladı! - ЦРО ДУМКЦРО ДУМК

Вторник

22

сентября

4
Сефер 
1442 | 2020
Утр.5:04
Вос.6:21
Обед.12:41
Пол.15:59
Веч.18:50
Ноч.20:07
Времена намазов
Календари 2020г

Намаз

Qırım Müftisi Cuma caminiñ qurucılarını zenaat bayramınen hayırladı!

Опубликовано:

Qırım Müftisi hacı Emirali Ablayev qurucılarnı zenaat bayramınen hayırladı.

Qırım musulmanlarınıñ maneviy yolbaşçısı Qırım cumhuriyeti ve Sevastopol şeeri musulmanları diniy idaresi adından cumhuriyetniñ eñ büyük qurucılıq obyektlerinden biri olğan Aqmescitteki Cuma caminiñ qurucılarını, qurucılıq kompaniyasınıñ rehberligini ve qurucılıqnen bağlı olğan bütün teşkilâtlarnı zenaat bayramınen tebrikledi, olarğa sağlıq, amanlıq ve eyi işlerde muvafaqiyetler tiledi.

“Siziñ işiñiz tarihta qalacaq. Cuma caminiñ temeline qoyulğan er bir taş, mimariy leyha içün atılğan er bir sızıq, mermer taş üstünde oyulğan er bir resim – göñüliñizniñ bir parçasıdır, Allahnıñ razılığı içün yapılğan adımdır, musulmanlar içün, dinine ve milletine baqmadan, Qırımnıñ bütün sakinleri içün asırlar devam etecek bir eyiliktir.

Qorantalarıñızğa amanlıq, eyilik ve sağlıq tileyim. Allah sizni merhametinden ayırmasın!”

QMDİ matbuat hızmeti