Qırım Müftisi Çeçenistan Cumhuriyetiniñ eyetinen körüşti (FOTO) - ЦРО ДУМКЦРО ДУМК

Четверг

29

июля

19
Зуль-хидждже
1442 | 2021
Утр.3:36
Вос.5:15
Обед.12:54
Пол.16:52
Веч.20:23
Ноч.22:03
Времена намазов
Календарь 2021г

Намаз

Qırım Müftisi Çeçenistan Cumhuriyetiniñ eyetinen körüşti (FOTO)

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev “Pandemiya zamanında Rusiye musulmanları diniy idareleri: içtimaiy hızmetniñ yañı usulları” halqara ilmiy-ameliy konferentsiyası çerçivesinde Çeçenistan Cumhuriyeti Müftiliginiñ eyetinen körüşti. Çeçenistan Cumhuriyeti Müftisiniñ birinci muavini Supyan Qurbanov ile körüşüv devamında taraflar beraber alıp barılacaq leyhalarnı muzakere ettiler.

Hususan, Çeçenistan Cumhuriyetiniñ temsilcileri Qırım Müftisine Quran oquvı yarışı ve diger diniy tedbirlerni keçirüv kibi leyhalarnı beraberce keçirmege teklif etti. Bundan da ğayrı, Supyan Qurbanov Qırım Müftisine keçeyatqan konferentsiyağa daveti ve Qırım toprağında sıcaq qarşılanğanları içün teşekkür bildirdi.

O, Çeçenistan Cumhuriyeti Müftisiniñ selâmınen, Qırım musulmanlarına sağlıq, amanlıq ve muvafaqiyetler tilegenini bildirdi.

Qırım MDİ matbuat hızmeti