Qırım Müftisi Bağay din cemiyetiniñ vekillerinen körüşti (FOTO) - ЦРО ДУМКЦРО ДУМК

Вс

24

октября

18
Ребиу'ль-эвель
1443 | 2021
Утр.5:44
Вос.7:01
Обед.12:32
Пол.15:16
Веч.17:53
Ноч.19:10
Времена намазов
Календарь 2021г

Намаз

Qırım Müftisi Bağay din cemiyetiniñ vekillerinen körüşti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayevniñ Saq rayonınıñ Bağay (Suvorovskoye) köyü din cemiyetinen körüşüvi olıp keçti.

Cemiyet azaları İsmail Secalilov, Remzi Mendeleyev, İlyas Abdurahmanov ve Enver Ablâmetov Müftige Qırımnıñ ğarbında yerleşken eñ büyük köylerden biri olğan Bağayda sakinleriniñ yaşayışı aqqında tarif ettiler.

Al-ı azırda köy civarında yerleşken mezarlıqnıñ abadanlaştırıluvı ve köyde caminiñ qurulması içün topraqnıñ resmiyleştirilüvi ve onıñ Qırım MDİ mülkiyetine berilüvi planlaştırıla. İleride ise, anda İslâm temelleri kurslarınıñ, balalar ve ösmürler içün çeşit tögereklerniñ ve balalar içün idman meydançıqlarınıñ açılması közde tutula.

Qırım Müftisi din cemiyetiniñ azalarına semereli çalışmalar tilep, ayrı diqqatnı yaşlarğa ve olarnıñ farqlı destruktiv diniy sektalarğa tüşmemesine ayırmağa tevsiye etti.

“Bütün diniy tedbirler – Oraza bayramı, Qurban bayramı, sport, medeniy ve diger tedbirler cami yanında keçirilmeli. Cami köy sakinleri içün bir merkez olmalı”, – dedi Qırım Müftisi.

Hatırlatamız, Müftilikte Qırımnıñ din cemiyetleri ile körüşüvler er afta olıp keçe.

Qırım MDİ matbuat hızmeti