Qırım Müftiliginiñ vatandaşlarğa muracaatı! - ЦРО ДУМКЦРО ДУМК

Пн

26

июля

16
Зуль-хидждже
1442 | 2021
Утр.3:31
Вос.5:12
Обед.12:54
Пол.16:53
Веч.20:27
Ноч.22:08
Времена намазов
Календарь 2021г

Намаз

Qırım Müftiliginiñ vatandaşlarğa muracaatı!

Опубликовано:

“Ürmetli vatandaşlar. Biz Qırımda, “Hizb-ut tahrir” firqasında iştiraginde şübelengen vatandaşlarnıñ yaqalanğanı içün çoq raatsızmız. Er birimiz, aldav yolunen destruktiv fırqalarğa tüşken yaşlarımıznıñ yaşayışları içün qasevet etemiz. Kene analar, apaylarnıñ ve öksüz qalğan balalarnıñ közyaşlarını köremiz. Bumı edi er biriniñ arzusı?

Musulmanlarğa, hususan, üyken nesilge balalarıñızğa muqayt olmağa rica etemiz. Olarnıñ yaşayışı, keyfi, planları ve maqsadlarınen meraqlanıñız. Aqıllarına destruktiv fırqalarnıñ tesir etmek ıntıluvlarınıñ yolunı kesiñiz. Eger qorantañızğa belâ kelse, oğluñız, qızıñız, torunlarıñız ya da tatalarıñız bizim içün ters olğan mevküreniñ tesirine qapılsa, olarnı fırqadan çıqarmaq içün qollarıñızdan kelgenini yapıñız. Sualler, añlaşılmamazlıqlar, narazılıqlar peyda olsa, siz daima Qırım musulmanları diniy idaresine muracaat etebilesiñiz”.

On beş yıl devamında biz, vatandaşlarımıznı destruktiv fırqalarğa kirmemege çağıramız, çünki bunıñ pek kederli neticesi olabile. Buña emiyet beriñiz!

İnsafsız mevkürecilerniñ sözlerine qapılmañız, olarnıñ yaramay maqsadları bar. Olar sizni bu mevküreni kütmege çağırıp, başıñıznı belâğa oğratalar, balalar, analar ve apaylarnıñ közyaşlarına sebepçi olalar. Fikir etiñiz! Qaza içinde ya da qorantañıznen beraber keçire bilecegiñiz raat bahtlı ömür –  sizniñ qollarıñızdadır.

Allah bizge doğru yoldan ketmege küç bersin. Yolnıñ ortasında turğanlarğa ise ikmet bersin.

Qırım ve Sevastopol şeeri müsulmanları diniy idaresi