Qırım Müftiliginiñ hadimleri №1 TK mahkümleri ile körüşti (FOTO) - ЦРО ДУМКЦРО ДУМК

Вторник

19

октября

13
Ребиу'ль-эвель
1443 | 2021
Утр.5:38
Вос.6:54
Обед.12:33
Пол.15:23
Веч.18:01
Ноч.19:17
Времена намазов
Календарь 2021г

Намаз

Qırım Müftiliginiñ hadimleri №1 TK mahkümleri ile körüşti (FOTO)

Опубликовано:

Qırım musulmanlarınıñ diniy yetekçisi hacı Emirali Ablayevniñ avalesi ile Qırım ve Sevastopol Müftisiniñ QC ve Sevastopol şeerinde ÜFSİN ile işbirlik boyunca yardımcısı, Aqmescitniñ baş imamı Muhammed İslamov Aqmescitteki №1 sert rejimli tüzeltüv koloniyasını ziyaret etip, mahküm etilgen musulmanlarnen körüşti.

Muhammed İslamov mahkümler ile diniy suhbet keçirip, olarnıñ rica ve isteklerini diñledi. Bundan da ğayrı, o, koloniya başlığınıñ terbiye işleri boyunca muavini Vitaliy Samedov ile birlikte apishane kitaphanesinde olğan diniy edebiyatnı teşkerdi.

“Yazıq ki, pandemiya zamanında koloniyada daa sıq bulunmaq imkânımız yoq, amma biz mahkümlernen körüşmek imkânlarını qaçırmaymız. Dersler ve suhbetler keçiremiz. Sualler peyda olsa, mahkümler din hadimlerine muracaat ete bilgenlerini, ananeviy diniy yönelişte kitaplar ala bilgenlerini añlatamız”, – dedi Muhammed İslamov.

Bundan da ğayrı, o, qayd etti ki, mahkümler künde beş kere apishane saasında yerleşken camini ziyaret eteler, cuma namazlarına qoşulalar ve cami binasını temizlikte tutalar.

“Mahkümler göñülden tüşmey, olar dinimizge sığınğanını, hata yapqanlarını qabul etkenini ve olarnı tüzetmege tırışqanını köstereler”, – dep, qayd etti Muhammed İslamov.

Mahkümler içün virus hastalıqlarınıñ profilaktikası ve şahsiy temizlik qaidelerine riayet etilmesi boyunca da suhbetler alıp barıla.

Qırım MDİ matbuat hızmeti