Qırım Müftiliginde Saq rayonınıñ Otar köyü din cemiyeti vekillerinen körüşüv olıp keçti (FOTO) - ЦРО ДУМКЦРО ДУМК

Пн

26

июля

16
Зуль-хидждже
1442 | 2021
Утр.3:31
Вос.5:12
Обед.12:54
Пол.16:53
Веч.20:27
Ноч.22:08
Времена намазов
Календарь 2021г

Намаз

Qırım Müftiliginde Saq rayonınıñ Otar köyü din cemiyeti vekillerinen körüşüv olıp keçti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayevniñ Saq rayonındaki Otar (Veselovka) köyüniñ din cemiyeti vekillerinen iş körüşüvi olıp keçti.

Din cemiyetiniñ reisi Ablatip Asanov Müftige köy musulmanlarınıñ yaşayışı, köyde al-ı azırda yaşanğan problemalar, eali iştirakinen keçirilgen tedbirler ve yerli akimiyet vekillerinen qurulğan işbirlik aqqında tarif etti.

Din cemiyetiniñ revizion komissiyası reisi Dilâver Kerimov ve hazinedar Niyazi Calilov Müftini 2021 senesi qurulması planlaştırılğan caminiñ leyhasınen tanış ettiler.

Bundan da ğayrı, köyde balalar ve büyükler içün İslâm temelleri ve Quran oquvı kurslarınıñ açıluvı muzakere etilmekte.

Müfti efendi din cemiyetine semereli çalışmalar tilep, Rabbimiz ve insanlar ögündeki mesülietleri aqqında hatırlattı. İnsanlarnıñ problemalarına lâqayd qalmamaq ve yardım qolunı uzatmağa imkânlar qıdırmaq içün tırışmaqnı tiledi.

Qırım MDİ matbuat hızmeti