Qırım Müftiliginde rayon imamlarınıñ toplaşuvı olıp keçti (FOTO) - ЦРО ДУМКЦРО ДУМК

Четверг

24

июня

14
Зуль-къаде
1442 | 2021
Утр.2:50
Вос.4:47
Обед.12:50
Пол.16:55
Веч.20:44
Ноч.22:41
Времена намазов
Календарь 2021г

Намаз

Qırım Müftiliginde rayon imamlarınıñ toplaşuvı olıp keçti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde rayon imamlarınıñ iş toplaşuvı olıp keçti. Körüşüv devamında din erbapları keçken ayda yapqan işleri içün esabat berdiler ve kelecek ayğa olğan planlarını muzakere ettiler. Hususan, sıñırlanuvlar zamanında havfsızlıq tedbirleriniñ kütülmesi, cami ve ibadethanelerde uyğun sanitar şaraitlerniñ teminlenmesi aqqında laf yürsetildi.

Bundan da ğayrı, imamlar eali ile çalışuv vaqıtında havfsızlıq ve hastalıqnıñ profilaktikası boyunca seminar diñlediler.

Buña ilâve olaraq, rayon imamları diniy sualler ve imamlarnıñ vazifesi boyunca ihtisas testinden keçtiler.

Din erbaplarına QMDİ-niñ ocaları tarafından azırlanğan arap elifbesiniñ imlâsı boyunca qullanma taqdim etildi. İşbu qullanmalar “Halq medresi”-siniñ dersleri ve İslâm temelleri kurslarında qullanılacaq.

Qırım Müftisiniñ muavini Ayder İsmailov bu dünyanı terk etken dindaşlarımıznıñ ruhuna ve vatandaşlarımıznıñ sağlığı içün dua oqudı.

QMDİ matbuat hızmeti