Qırım Müftiliginde karantin ilân etildi - ЦРО ДУМКЦРО ДУМК

Пятница

05

июня

13
Шевваль
1441 | 2020
Утр.2:54
Вос.4:48
Обед.12:47
Пол.16:50
Веч.20:36
Ноч.22:29
Времена намазов
Календари 2020г

Намаз

Qırım Müftiliginde karantin ilân etildi

Опубликовано:

COVID-19 koronavirus hastalığınıñ darqaluvınıñ havfı sebebinden Qırım Cumhuriyeti ve Sevastopol şeeri musulmanları diniy idaresi 2020 senesi, aprel 3 kününe qadar vatandaşlarnıñ qabul etilüvini toqtata. Bundan da ğayrı, evelden planlaştırılğan tedbirler – bölge baş imamları ve diniy teşkilâtlarnıñ resileri ile iş körüşüvler, yerli imamlarnıñ ve din ocalarınıñ aylıq toplaşuvları, seminarlar, treningler, lektsiyalar ve til kursları vaqıtınca toqtatıla.

2020 senesi, aprel 3 kününe qadar “Faydalı ilim” oqutuv-maarif merkezinde qadınlar-qızlar ve balalar içün dersler vaqıtınca toqtatıla.

Qırım Cumhuriyeti ve Sevastopol şeeri musulmanları diniy idaresi Qırım musulmanlarına muqayt olmağa ve, camilerni ziyaret etkende, beden temaslarını eksiltmege tevsiye ete, hususan, cuma namazı vaqıtında. ÖRVİ hastalığınıñ birinci alâmetlerini is etkende, etraftakilerge zarar ketirmemek içün evde qalmağa tevsiye etile.

Yerli din cemiyetlerge ise, ibadet yerlerinde sanitar temizlev işlerini keçirmege ve cami yanındaki sınıflarnıñ işini toqtatmaq tevsiye etile. Allah bizim aziz topraqlarımıznı ve bütün Qırım sakinlerini qorçalasın.

QMDİ matbuat hızmeti