Qırım Müftiliginde imamlarnıñ iş körüşüvi olıp keçti (FOTO) - ЦРО ДУМКЦРО ДУМК

Суббота

08

августа

18
Зуль-хидждже
1441 | 2020
Утр.3:54
Вос.5:27
Обед.12:54
Пол.16:47
Веч.20:10
Ноч.21:43
Времена намазов
Календари 2020г

Намаз

Qırım Müftiliginde imamlarnıñ iş körüşüvi olıp keçti (FOTO)

Опубликовано:

Qırım Cumhuriyeti ve Sevastopol şeeri musulmanları diniy idaresinde yarımadanıñ farqlı regionlarından kelgen imamlarnıñ toplaşuvı olıp keçti.

Din erbapları ile Qırım Müftisi hacı Emirali Ablayev körüşti. Qırım Müftisi din hızmetindeki areket ğayesiniñ emiyetini hatırlattı ve bu hızmetniñ qıymetini, hususan, din erbaplarınıñ ealige aqiqiy ve doğru malümatnı yetkizmedeki rollerini ayrıca qayd etti. Şu cümleden, koronavirus yuqunçlı hastalığı sebebinden kirsetilgen sıñırlavlar lâğu etilgen soñ, onıñ darqaluvı havfı devam etkeni közde tutularaq, keçirilecek cemaat ibadetleri ile yazlıq maarif tedbirleri keçirilüviniñ incelikleri muzakere etildi.

“Siz eñ müim, esasiy yönelişte çalışasıñız, milletimizniñ vaziyeti, onıñ maneviy alı, keyfi, fikirleri, bugünki künde ise, – sağlığı da siziñ faal oluvıñıznen bağlı. Din erbabınıñ yükü ne qadar qıyın olması mümkün, bilem, ve ümüt etem ki, siz daima bütün küçüñiz ile milletimizniñ eyiligi oğrunda çalışacañız. Biz ise, bu işte er daim yardımcıñız olurmız”, – dep ayttı Qırım Müftisi.

Bundan soñ imamlar ögünde Rusiye Devlet Dumasınıñ millet vekili Ruslan Balbek çıqışta bulundı. O, imamlar ve Qırım musulmanları diniy idaresiniñ yarımada musulmanlarınıñ yaşayışında ne qadar müim rol oynağanını qayd etip, imamlarnıñ tek din hızmetçileri degil, halqımız arasında insanlarnıñ fikirlerini şekillendirgen liderler olğanını ayttı.

“Soñki zamanlarda körgenimiz kibi, Müftilik ve imamlarnıñ işleri sayesinde, regionlarda Diniy idareniñ itibarı öse, qırımtatarlarnıñ sesi öz Vatanlarında eşitile. Epimiz aziz topraqlarımızda barışıqlıq içinde yaşamaq, öz medeniy ve diniy mirasımıznı, ondan asıl olğan ananeviy degerlerimizni saqlamaq kerekmiz”, – dep ayttı Ruslan Balbek.

Buña ilâve olaraq, o, qoşup ayttı ki, 2020 senesiniñ iyül 1 künü Rusiye Federatsiyasınıñ Anayasasına deñişmeler kirsetilüvi boyunca rey berüv keçirilecek ve şu sebepten musulmanlarğa informatsion basqı yapıla, olarnı rey berüvge barmamaq ya da deñişmelerge qarşı rey bermege çağıralar. Devlet Dumasınıñ millet vekili devletniñ Esasiy qanunına kirsetilmesi teklif etilgen deñişmelerniñ maiyetini añlattı ve olarnıñ müimligi aqqında tarif etti.

Tedbirniñ soñunda Qırım musulmanlarınıñ maneviy yolbaşçısı toplanğanlarğa bu sözlerinen muracaat etti: “Er bir imam ananeviy qıymetlerimizniñ saqlanuvı nevbetinde tura. Buña köre, kelecek nesillerniñ kelecegi içün temel atmaq, ananeviy qıymetlerimizni ve milliy özgünligimizni saqlamaq içün cemaatımıznıñ er bir azasına faal vatandaşlıq mevamınıñ ve qanunbericilik deñişmelerniñ emiyeti aqqında mıtlaq tarif etmeñizni rica etem”.

Üyle namazından soñ Müftilikniñ bölgelerdeki temsilcileriniñ toplaşuvı olıp keçti. Şu toplaşuvda regionlarda musulmanlar arasında peyda olğan meseleler baqıldı. Tedbirniñ soñunda imamlar QMDİ neşirleriniñ yañı sanlarını teslim aldılar.

QMDİ matbuat hızmeti